يوم إبداعى الشخصى غَصْبِ عنى…!!

“يومياً” الإنسان والتطور

13-10-2008

السنة الثانية

العدد: 409

يوم إبداعى الشخصى

غَصْبِ عنى…!!

بعد نشر يوميتى “برغم كل الجارى، مازال فينا: “.. شىءٌ مـَا“ بتاريخ 24-5-2008، وما دار حولها فى (حوار/بريد الجمعة بتاريخ 30-5-2008)، ويومية (حوار/بريد الجمعة بتاريخ 4-7-2008) وغيرهما من نقاش ثم يوميتى “الحق فى الفرحة“ بتاريخ 4-10-2008، ويومية (كل عام وأنت فرحان “أحيانا” بتاريخ 1-10-2008) وما دار حولهماّ من نقاش فى (حوار/بريد الجمعة بتاريخ 10-10-2008)، واستلهاما من تعليق د. سيد الرفاعى فى بريد الجمعة الماضى أول أمس، وهو يقول:

الفرحة اللى حضرتك بتتكلم عنها فى اليومية هى فرحة ممزوجة بالشجن والنكد وشيل الهم، ومع ذلك عندك حق ما هو لازم إنى أفرح أحياناً.

وقد رددت عليه قائلا:

فاكر يا أبو السيد أغنية: “ما هو لازم إنى أزعل” التى لحَّنتها أنتَ تلحينا جميلا

تصور أنه قد خطر لى الآن من تعقيبك أن أكتب أغنية مقابلة “ماهو لازم إنى أفرح”، يارب أقدر.

اكتشفت أننى نشرت هذه النشرة التى تبرر الحزن (الزعل) حتى الضجر، بعد أسبوع واحد من بدء ظهور نشرات الإنسان والتطور هذه، وكنت قد كتبتها قبل ذلك بأسابيع ، كانت يومية 7-9-2007 وكان عنوانها الأصلى “ما هو لازم إنى أزعل”، لكنها نشرت بعنوان “بدال ما تثور تفِنّ”.

رحت أقرأها من جديد، وإذا بها – فيما عدا بعض نهايتها – تكاد تكون عكس ما جاء مؤخرا النشرات التى ذكرتها فى المقدمة، وخاصة نشرتى “شىء ما”، “والحق فى الفرحة “، تساءلت: يا ترى: هل أنا تغيرت، هكذا خلال عام وبعض عام، أم أن هذا هو من أثر تطور الحوار هكذا مع زوار الموقع الطيبين الذين أثروا وجودى برغم كل تحفظاتى.

تناولت النشرة القديمة الساخطة الحزينة، ورحت أنقدها فقرة فقرة، بنفس الأسلوب، (شعرا كان أم رجزا)، وأنا فرح بهذا التغير، فخرجتْ كما سترون حالا.

ثم قدّرت أن كثيرين قد لا يكونون  قد اطلعوا على النشرة الأولى، أو قد يكونون قد نسوها، وفى الغالب سوف لا يعنون بالرجوع إليها بالرابط، Link وبما أنى أريد أن ابيّن لهم ولنفسى، كيف يمكن أن يكون التراجع تكاملا، قلت أعيد نشر القصيدة القديمة كلها أولا حتى تصل الرسالة التى انبهر لها الكثيرون آنذاك، ثم أنشرها فقرة فقرة مع الاستدراك والنقد اللاحق.

أولا: القصيدة فى صورتها الأولى كاملة:

“يومياً“ الإنسان والتطور

7-9-2007

بدال ما تثور تفِنّ

قالوا مالكْ؟

قلت: مالىِ!!!!

قالوا حاملْ همّ ليهْ؟

ولاّ  حامل همّ مين؟

***

قلت: حاملْ هم نفسِى

يعنى ناسْنا أجمعين !

***

قالوا: ماتْزَعّلشِى نفسكْ!

قلت: حاضرْ،… لو قدرت.

قالوا: تقدر، واللى خلقكْ

الزعل راح يعمل ايه؟

يعنى طنّـشْ  غيرك اشطرْ

قلت: ياريت!  بسْ فين؟

قالوا: يعنى قصدك ايه؟

قلت خد عندَكْ يا سيدى:

***

ماهو لازم إنى أزعل لما الاقى الدنيا صعبة

 لما الاقى الوِدّ  لعبة

لما الاقى الوعد كذبة

لما الاقى  القلب علبة

***

ماهو لازم إنى أزعل  لما الاقى الدنيا صعبة،

وانِّنَا لازم نعيش،

لما الاقى الودّ  لعبة،

خايبه، بتبيع  المافيش،

لما الاقى الوعد كذبة،

والخداع ما بينتهيش،

لما الاقى  القلب علبة،

فيها عضم وخيش وريش

***

ماهو لازم إنى أزعل  لما الاقى الدنيا صعبة،

وانِّنَا لازم نعيش،

والْتِقِينِى لسَّه عايشْ

لما الاقى الودّ  لعبة،

دايْرة بتبيع المافيش،

والنفاق طايحْ  وفارشْ

لما الاقى الوعد كِدبة،

والخداع ما بينتهيش،

والكلام فارغ ْ وهايش

لما الاقى  القلب علبة،

فيها عضم وخيش وريش

والعمل كلّه هوامش

***

ماهو لازم إنى أزعل  لما الاقى الفكرة بايْتهْ

لما الاقى الفرصة فايْته

لما الاقى النبضه ساكتهْ

***

ماهو لازم إنى أزعل: لما الاقى “بُكره”  زىّ  قلِّتهْ

لما الاقى  “إلنهارده”  كفّنوه  فى  جثتهْ

لما الاقي النيل بتنشف ميـِّتُـه

***

ماهو لازم إنى أزعل:  لما الاقى الناس بعيدْ

لما الاقِينِى وحيدْ

لما الاقى  الوغد هوّا  المستفيدْ

***

ماهو لازم إنى أزعل: لما الاقى  انّ الكلام  يتعادْ  كإنى ماقلتهوشْ

لما الاقى ان اللى جارى، كله جارى فى الفاشوشْ

لما الاقى الناس بقوا من غير وشوشْ

لما الاقى ان “اللى عنده” ناسِى إللى “ما عندهوش”

  ***

ماهو لازم إنى أزعل:  لما الاقى ان الشهادة  – حتى لو منْ جامعةْ-   سُمعةْ

لما الاقى  العلم سلعةْ

لما الاقى الأمْـن  خدعةْ

لما الاقى الكِدبهْ دِمعةْ

لما الاقى أىّ فكرة حلوه: يعتبرْوها  بدعةْ

***

ماهو لازم إنى أزعل:  لما الاقى الكـُل بَـلــِّم

لمّا الاقى الحـُرّ سلِّــم

لما الاقى الجرح  جـوّا القلب: عـلــِّـّم

***

قالوا يعنى أديكْ زعلت، سابوكْ تِرنْ

ما هو يا ابنى إللى يزعل  يتفلق مهما يزنْ

فلت: لأّه، …. دانتوا فاهمينِّى  غلطـ،  أنا مش حاوِنْ

***

قالوا عندك  حلّ تانِى؟

قلت: اظنْ

ماهو  طولْ ما الحر عايش ، لمْ لا بدْ

إنه يدفع ما عليهْ

قالوا: يعنى حاتعمل ايه؟

قلت أشيل أنا كل ده،

لأ، وأكتر من كده،

وابتـِدِى رغـْم اللى جارى

حتى لو ْمَا فاضِلشِى غيرى

قالوا: ورِّينـا شطارتكْ

ربنا يبارك فى خيبتكْ

قلت: طُــزْ

قالوا: فيكْ

قلت:  فى اللى ينامْ يـِئـِـنْ

أو ِبِدالْ ما يثور، يِفـِـنْ.

ثانيا: الاستدراك الآن

قالوا مالكْ؟

قلت: مالىِ!!!!

قالوا حاملْ همّ ليهْ؟

ولاّ  حامل همّ مين؟

قلت: حاملْ هم نفسِى

يعنى ناسْنا أجمعين!

قالوا: ماتزعّلشِى نفسكْ!

قلت: حاضرْ،… لو قدرت.

قالوا: تقدر، واللى خلقكْ

الزعل راح يعمل ايه؟

يعنى طنّـشْ  غيرك اشطرْ

قلت: ياريت!  بسْ فين؟

قالوا: يعنى قصدك ايه؟

ماهو لازم إنى أزعل لما الاقى الدنيا صعبة

 لما الاقى الوِدّ  لعبة

لما الاقى الوعد كذبة

لما الاقى  القلب علبة

ماهو لازم إنى أزعل  لما الاقى الدنيا صعبة،

وانِّنَا لازم نعيش،

لما الاقى الودّ  لعبة،

خايبه، بتبيع  المافيش،

لما الاقى الوعد كذبة،

والخداع ما بينتهيش،

لما الاقى  القلب علبة،

فيها عضم وخيش وريش

ماهو لازم إنى أزعل  لما الاقى الدنيا صعبة،

وانِّنَا لازم نعيش،

والْتِقِينِى لسَّه عايشْ

ماهو لازم إنى أزعل

لما الاقى الودّ  لعبة،

دايْرة بتبيع المافيش،

والنفاق طايحْ  وفارشْ

لما الاقى الوعد كِدبة،

والخداع ما بينتهيش،

والكلام فارغ ْ وهايش

لما الاقى  القلب علبة،

فيها عضم وخيش وريش

والعمل كلّه هوامش

ماهو لازم إنى أزعل  لما الاقى الفكرة بايْتهْ

لما الاقى الفرصة فايْته

لما الاقى النبضه ساكتهْ

ماهو لازم إنى أزعل: لما الاقى “بُكره”  زىّ  قلِّتهْ

لما الاقى  “إلنهارده”  كفّنوه  فى  جثتهْ

لما الاقي النيل بتنشف ميـِّتُـه

 

ماهو لازم إنى أزعل:  لما الاقى الناس بعيدْ

لما الاقِينِى وحيدْ

لما الاقى  الوغد هوّا  المستفيدْ

ماهو لازم إنى أزعل:

 لما الاقى  انّ الكلام  يتعادْ  كإنى ماقلتهوشْ

لما الاقى ان اللى جارى، كله جارى فى الفاشوشْ

لما لاقى الناس بقوا من غير وُشوشْ

لما الاقى ان “اللى عنده” ناسِى إللى “ما عندهوش”

ماهو لازم إنى أزعل:  لما الاقى ان الشهادة  – حتى لو منْ جامعةْ-   سُمعةْ

لما الاقى  العلم سلعةْ

لما الاقى الأمْـن  خدعةْ

لما الاقى الكِدبهْ دِمعةْ

لما الاقى أىّ فكرة حلوه: يعتبرْوها  بدعةْ

ماهو لازم إنى أزعل:  لما الاقى الكـُل بَـلــِّم

لمّا الاقى الحـُرّ سلِّــم

لما الاقى الجرح  جـوّا القلب: عـلــِّـّم

قالوا يعنى أديكْ زعلت،  سابوكْ تِرنْ

ما هو يا ابنى إللى يزعل  يتفلق مهما يزنْ

قلت: لأّه، …. دانتو ا فاهمينِّى  غلطـ،  أنا مش حاوِنْ

قالوا عندك  حلّ تانِى؟

قلت: اظنْ

ماهو  طولْ ما الحر عايش، لمْ لا بدْ

إنه يدفع ما عليهْ

قالوا: يعنى حاتعمل ايه؟

قلت أشيل أنا كل ده،

لأ، وأكتر من كده،

وابتـِدِى رغـْم اللى جارى

حتى لو ْمَا فاضِلشِى غيرى

قالوا: ورِّينـا شطارتكْ

ربنا يبارك فى خيبتكْ

قلت: طُــزْ

قالوا: فيكْ

قلت:  فى اللى ينامْ يـِئـِـنْ

أو ِبِدالْ ما يثور، يِفـِـنْ.