يحيى الرخاوى طبيب نفسى
لقـطـات
عبير نصر
-1-
سمعت ضحكى , ويا أخواتي
صرخت فييـــا , واما سكتنا
ضحكت هى
-2-
إيد تستنى لحد ما أنام علـــشان تقلقنى
واما بقاوم, هى تقاوم
واما بقوم ما لقاش غيرها بتفوقني
إيدى
-3-
قلت له مره أنا كارهه وجودك
اخرج مني
مش عايزه أشوفك ف مرايتى
شيل بصماتك
من جوا بطاقتى الشخصية
قال: مش عارف
تعرفى إنت؟!
-4-
ظلى بيطول…, يــقصر لكن
عمره ما كان على قدي
-5-
مره سألنى عن العنوان
واما جاوبته . . واستنيت
ضاعت منه الصوره بتاعتي
فــضهر الصورة
رقم البيت
-6-
بعد العيد قلت لتلاميذي:
كل سنة
وانتم . . . أطفال
-7-
زفة بتمشى لحد ما وقفت قدام بيتنا
واما حاولت افتح شباكي
لقيت لباسة قلمى اتخلعت
قمت أدور: جوا جيوبى . . تحت الكرسي
واما لقيتها وغطيت قلمي
شفت الزفة ف آخر الشارع
-8-
تلميذى قال لي:
يا أبلة اللعبة
اللعبة بتاعتى مش موجودة
قلت لهم: دوروا ياولاد, وانا وياكو
فضلت أدور وانا قلقانة
خايفه يشوفوا:
إنها . . . عندى.