حوار/بريد الجمعة

نشرة “الإنسان والتطور”

الجمعة: 8-7-2022

السنة الخامسة عشر

العدد: 5424

حوار/بريد الجمعة

مقدمة:

كل عام وأنتم بخير ويقظة وصدق واتقان.

ونحن كذلك!

*****

نقلة مع مولانا النفرى: من: كتاب المخاطبات مقتطف من: (المخاطبة رقم:22):

وقال لى:

يا عبد: لا تنطق

           فمن وصل إلىّ لا ينطق.

فقلت لمولانا:   

أهكذا؟ أهكذا ؟؟

نعم نعم .. مَنْ وصل إليه لا ينطق باللسان

من يصل إليه:

سوف يكتشف أن كله ينطق بكله:

كله رسائل تَـواصُلٍ إليه، ومنه ..

كله، وكله: وعىُّ خالصْ …

وعىٌ فى وعْىٍ إلى وعىٍ مطلق

وما أرقى هذا الحوار الصامت الناطق

وما أجمله، وأصدقه!

وله الحمد [1]

هو الأول والآخر، والظاهر والباطن [2]

لا شريك له، وبذلك أمرت [3]

ليس كمثله شىء وهو السميع البصير [4]

وهو السميع العليم [5]

فما لزوم  النطق؟!!

أ. ميادة سمير

أول مرة أشعر بثقل ومعاناة الكلام المنطوق وكانى الهث او لا استطيع التنفس بسهولة رغم أن الكلام في الأغلب أجوف و أظن أنه لا يصل منه إلا القليل، وأظن أنى اختبرت فشل الاتصال و التواصل بأشكال عدة بسبب هذا المدعو كلام أو ألفاظ منطوقة و أظن أنه واصلنى أو أرى الآن صورة بها حوار التسليم الظاهر والباطن لكل كينونه أو كائن أو كون متعين … لا إله إلا الله

د. يحيى:

لا إله إلا هـُـوَ

أ. سحر أبو النور

المقتطف: من وصل إليه لا ينطق باللسان

التعليق: نعم مولانا الحكيم نعم واقول مخاطبة مولانا النفرى “إذا اتسعت الرؤية ضاقت العبارة ” “من يصل إليه سوف يكتشف أن كله ينطق بكله” يااااا الله …..

د. يحيى:

ما أسهل الكلمات

وأصعب الخبرة.

*****

 الأربعاء الحر: مقتطف من كتاب: بعض معالم العلاج النفسى من خلال الإشراف عليه الكتاب الرابع الحالات: من (61) إلى (80) الحالة (65) الوسواس غطاء محكم، على مجهول،  فاحذر وانت ترفعه

أ. مريم محمود

المقتطف: د.نوال: طب حضرتك نزود الدواء عشان اللى حصل  ده

د.يحيى:  حاتعلى الدواء ليه بقى؟، إنتى خفتى من المخ القديم ولا إيه، إحنا عايزين نروضه مش نموّته، إنت تقيسى بحاجات تانية غير الوسواس اللى اختفى، وجنب السلوك اللى رعبك ده، إنتى عندك المذاكرة، والانتظام فى الأكاديمية، والنوم، والعلاقات العادية التانية، لما حياتها تتملا بأشياء إيجابية واضحة ومهمة، أظن ده حايديها فرصة تبنى منظومتها فى حضنك واحدة واحدة؟ هى بتنام بالجرعة الحالية ولا لأه؟ بتذاكر ولا لأه؟

 التعليق: فيه صعوبة ان استوعب عمل كل الامخاخ، غير صعوبة الوسواس فى السن ده بيخضنى جدا، فكرنى بحالة بنت سن صغير بتعانى من وسواس كنت مخضوضة من صغر السن والأعراض اللى ظهرت بشده.

د. يحيى:

المسألة ليست في وجود وسواس من عدمه،

المسألة تأخذ من كل ناحية

أ. مريم محمود

المقتطف: د. رضوى العطار: لأه الرسايل اللى بتوصل لها من الأسرة دى ملخبطة خالص، والعلاج النفسى من مسئوليته إنه يبقى متسق، وإنه يوصل رسايل متماسكة فى بعضها، تحل محل اللى جارى ده”

التعليق: الحاله اللى عرضتها د _نوال وردود حضرتك وتوضيح الناقله اللى بتحصل نقله النمو وأننا نسمح للمخ القديم الحرية من غير ما نقيده او نوقف حركته بالكيما.

د. يحيى:

أين التعليق يا رضوى ربنا يخليكى

 أ. مريم محمود

المقتطف: د. نوال: طيب مادام تربية، يبقى دور الأهل فين بقى؟

د.يحيى:  ما هو واضح هنا إن كل واحد من أهلها له منظومته اللى مماشية حاله، وده بيوْصَل للبنت فبتتلخبط، يعنى الأب اللى حايطلع لها رخصة مؤقتة بشكل استثنائى لحد ما تبلع السن القانونية، ما شعرشى جواه إنها بتركب عربيات مع الأولاد؟  بقى ده اسمه كلام؟  وفى نفس الوقت هو مستمر بيعمل اللى هوه عايزه، ومابيخبيش لدرجة إنها تعرف، وتحتار، وتسألك تقول له ولا ما تقولّوش، وتقول له إيه، لأه الرسايل اللى بتوصل لها من الأسرة دى ملخبطة خالص، والعلاج النفسى من مسئوليته إنه يبقى متسق، وإنه يوصل رسايل متماسكة فى بعضها، تحل محل اللى جارى د ه

التعليق: مهم جدا دور الأسرة بعتبرها خط الدفاع الأول المسئول عن العلاج والتعافى، وكأن البنت لمّا استخدمت الوسواس كانت تعبر عن التفكك الواصل ليها من الأهل.

د. يحيى:

هذا احتمال راجح

أ. سحر أبو النور

المقتطف: إحنا بننمو بكل الأمخاخ اللي فينا مش بالأمخاخ الوصية علينا من جوانا أو من برانا
ثم المقتطف الثاني / يعنى ضبط جرعة السماح، مع جرعة الحرية، مع جرعة الانضباط، مع جرعة العدل، شىء شديد الصعوبة

التعليق: المقتطفان بالنسبة لي مرتبطان وكمان استحضرت بهما الآية الكريمة ” وَنَفْسٍ وَمَا سَوَّاهَا* فَأَلْهَمَهَا فُجُورَهَا وَتَقْوَاهَا” دى الأمخاخ اللى فينا “قَدْ أَفْلَحَ مَن زَكَّاهَا” نمو ضبط جرعة السماح مع جرعة الحرية مع جرعة الانضباط مع جرعة العدل …… أنا حسيتها كدا ونورت جوايا كدا يا دكتور ربنا يبارك لنا فيك وفى علمك و حكمتك

د. يحيى:

وفيكِ يا سحر، وينفع بك

_____________

 [1] – وَلَهُ الْحَمْدُ فِى السَّمَوَاتِ وَالأَرْضِ وَعَشِيّاً وَحِينَ تُظْهِرُونَ (18) سوره الروم

[2] – هُوَ الأَوَّلُ وَالآخِرُ وَالظَّاهِرُ وَالْبَاطِنُ وَهُوَ بِكُلِّ شَيْءٍ عَلِيمٌ (3) سوره الحديد

[3] – لا شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ (163) سوره الانعام

[4] – لَيْسَ كَمِثْلِهِ شَيْءٌ وَهُوَ السَّمِيعُ البَصِيرُ (11) سوره الشورى

[5] – وَتَمَّتْ كَلِمَةُ رَبِّكَ صِدْقاً وَعَدْلاً لا مُبَدِّلَ لِكَلِمَاتِهِ وَهُوَ السَّمِيعُ الْعَلِيمُ (115) سوره الانعام

مَنْ كَانَ يَرْجُو لِقَاءَ اللَّهِ فَإِنَّ أَجَلَ اللَّهِ لآتٍ وَهُوَ السَّمِيعُ الْعَلِيمُ (5) سوره العنكبوت