حوار/بريد الجمعة

نشرة “الإنسان والتطور”

الجمعة: 24-9-2021

السنة الخامسة عشر

العدد: 5137

حوار/بريد الجمعة

مقدمة:

الحمد لله

*****

مقتطف من كتاب: “بعض معالم العلاج النفسى من خلال الإشراف عليه” الحالة: (28)

“عن المؤسسة الزواجية والعلاقة بالموضوع” (2 من 2)

أ. فؤاد محمد

المقتطف: إحنا قلنا كتير قوى إن الإنسان بيتميز بإنه اكتسب اللى سميناه الوعى، والوعى بالوعى، وبرضه إنه ما يكونشى إنسان إلا فى مواجهة أو فى حضور بنى آدم حقيقى بياخد ويدى معاه، أنا ما أظنش على حد علمى إن أى حيوان أعرفه عنده الحكاية دى: قصدى “الوعى بالوعى” فى “حضور واحد من نوعه عنده وعى بالوعى زيه”، الحيوانات بيعملوا علاقات ما بينهم وبين بعض، إنما أظن من غير الوعى ده اللى إحنا بنتكلم عنه، ويمكن العلاقات الثنائية الممتدة، اللى أهم أشكالها الجواز عند الإنسان

التعليق: كنت قريت لحضرتك قبل كده تعقيب فى “فقه العلاقات البشرية” و ازاى وصل البنى آدم للعلاقات الواعية اللى احنا اتدبسنا فيها دى وانا بقرا النشره حضر جوايا كلام حضرتك.. اللى هو “إن البنى آدم متورط فى حكاية العلاقات دى، لا هو قادر يرضى بالمستوى الحيوانى، ولا عارف يشتغل فى المستوى اللى يخليه إنسان بحق وحقيق”.

د. يحيى:

هذا يطمئننى إلى أن الرسالة وصلت لأصحابها

*****

 نقلة مع مولانا النفرى: كتاب المخاطبات: مقتطف من: (المخاطبة رقم: 7):

أ. فاطمة

يصلنى ضعفنى إليه ..ويأبى شيطانى أن اتخذه قوه؟!!

د. يحيى:

وهو القيوم القادر أبدأ

أ. ميادة  سمير

لا إله إلا الله

د. يحيى:

الواحد الأحد الفرد الصمد

ليس كمثله شىء

****

مقتطف (58) من كتاب “حكمة المجانين” (فتح أقفال القلوب) الفصل الثالث: (من 211 إلى 398) مع الناس، والزمن، والحب، و”الآخر”

أ. فؤاد محمد

جائع انا لمنعطفات الطريق ..

للناس .. والشوارع التى تومئ:

بان الزمان كان يتسكع هنا فى الليل

ويزداد حيوية مع ضوء النهار..

من يلتهمنا اذا :….!!..

اذا بعدت المسافات..

اذا استطالت المنعطفات..

اذا لفظنا احدهم فى المنتصف..

د. يحيى:

صاحبتك يا فؤاد حتى السطر الأخير، ورفضته:

 من هذا الذى يستطيع أن يلفظنا فى المنتصف؟!

****

تعليقات على بعض اللقاءات العلمية الشهرية

 لـ أ.د.يحيى الرخاوى

اللقاء العلمى 19 أكتوبر 2020

“أنواع ومستويات الصياغة فى مقابل الاختزال بالتشخيص وعلاقة ذلك بالتخطيط العلاجى”

أ. أحمد المولئ ابو روان

موضوع شائع وخطير ومهمل خاصة ببلدان الشرق ، شكرًا لتوعية الناس والقاء الضوء عليه

د. يحيى:

هذا طيب، شكراً

*****

اللقاء العلمى   24/8/2020

“عن النزوعات الأولية والعواطف المتولدة منها”

 

Khalid Alhajri

هناك فرق بين الكلام العلمى وكلام العامه عن مفهوم العواطف، العالم الامريكى فى الاعصاب البروفيسور Antonio Damasio المختص فى هذا المجال له كتب فيه يفرق بين emotions و feelings وانصح د.يحى الاطلاع على هذه الابحاث وكشف المقابل لها بالعربية.

د. يحيى:

أذكر هذا الكتاب بالكاد وسوف أرجع إليه لأتذكره

ولقد قمت بعرضٍ أشمل فى هذه المنطقة فى فصل العواطف فى كتاب: “الأساس فى الطب النفسى” الذى نشر مسلسلا فى موقعى، ولم يصدر بعد ورقيا.

وهو يشمل اليوميات اليومية من نشرة (6-7-2014) إلى نشرة (9-2-2015)

*****

اللقاء العلمى (29 يونيو 2020):

 “الطاقة والحياة بين الطب النفسى والعلاج النفسى”

Amani Nour Eldien

مساء الخير جميعاً وشكراً جداً على الندوة الرائعه دى، انا مش دكتوره نفسيه ولكن مهتمه جداً بالصحه النفسيه وعلم النفس، هل ممكن اعرف اسم الكتاب اللى اطلق عليه دكتور رخاوى حوار الوعى ؟

د. يحيى:

أفضل البدء بما قدمته فى اللقاءات الشهرية وهو موجود فى موقعى باوربوينت وإليك بعض ذلك، مثلا:

* نشرة 25-12-2019 عن “ماهية الوعى” Consciousness !!

ثم خذ عندك بعض ما صدر ومنشورا ورقيا:

* كتاب “تزييف الوعى البشرى، وإنذارات الانقراض ….  بعض فكر  يحيى الرخاوى    

* كتاب: مقدمة فى العلاج الجمعى “من ذكاء الجماد إلى رحاب المطلق” الفصل السادس: من “العزلة وتشكيلات الارتباط الثنائى إلى تخليق الوعى الجمعى”

 Z . Mohamad

انا مش متخصص ولكن الفيديوهات مهمة ومفيدة جدا للمثقفين واكيد للمتخصصين اكثر ..

 ارجو الاستمرار  .. وهى “صدقة جارية وعلم ينتفع به” ل د. يحيى ربنا يتقبل منه .

د. يحيى:

أعاننى الله ونفع بكم

شكرا

 Beautiful Nightmare

اشكرك جداً استاذى الفاضل على الشرح الجميل وعلى إصرارك فى توصيل ما يصعُب توصيله، عندى تعليق بسيط على موضوع التواصل غير اللغوى وهى مجرد وجهة نظر واتمنى ان تعذر جهلى انا لسه طالب وبتعلم الحياة. اعتقد التواصل ده بيتم عن طريق العقل اللاواعى اللى بيحتوى على “كل حاجة” حصلت فى حياتنا وغابت عن ذاكرتنا-مش عاوز ابالغ واقول وكمان اللى محصلتش-، وبيتم هذا التواصل الغير كلامى عن طريق هذه التجارب المسجلة سواء تجارب مر بها الشخص أو كان شاهد عليها، مما أدى إلى “توسيع” إن صح التعبير وعيه بعد مروره بالتجربة فبالتالى أصبح عنده القدرة على تحديد مثلاً ان شخص ما خايف او مضايق بمجرد النظر إليه لأنه مر بنفس الشعور او شافه فى غيره على الأقل، – وبرضو بحكم اننا كبشر مكونين من نفس الشيء وهو الطاقة – فأعتقد ان مشاعرنا واحدة ونقدر نوصلها ونشوفها فى بعض مثال بسيط لنقطة التجارب وعلاقتها بالوعى اللى بيساعد على التواصل الغير لغوى ده هو أن رؤية حضرتك لشخص ما هتقول عنه اكتر وممكن أدق من اللى رؤيتى ليه هتقوله، بحكم تجارب حضرتك اللى أدت إلى توسيع وعيك وبرضو الشخص التانى وعيه وتجاربه وعقله اللاوعى هتقوله عنك معلومات، وبوعيكم بده كأطباء بتقدروا توصلوا اللى انتم عاوزينه واعذرنى على استخدام لفظ توسيع الوعى اللى هو طاقة وإزاى هنوسع الطاقة بس مش قادر الاقى كلمة توصف اللى بحاول أقوله

د. يحيى:

احتراما لشبابك، وصدق تناولك، برغم عدم ذكر اسمك، ولا حتى مرموزا أو الحروف الأولى، أقدر كل كلمة فى هذه الرسالة وأحيلك مؤقتا إلى هذه المواقع عن الإدراك  و Relevance مع تنبيهى الشخصى أننى أتجنب استعمال مصطلح اللاوعى، فهو وعى آخر، ووعى ثالث وعدد بلا حصر من وعى، من نواصل لنكمل مسيرتهم ومسيرتنا،

ثم إليك بعض الروابط:

* نشرة  24-1-2012 عن الإدراك (4) حوار حول الإدراك قد يمتد….

ورقة مقدمة من: د. محمد يحيى الرخاوى، وبداية الرد   

* نشرة  22-6-2020 “الوحدة والتعدد فى التركيب البشرى (حوار)”  

 *****