يحيى الرخاوى طبيب نفسى
“نشرة” الإنسان والتطور
18-5-2009
السنة الثانية
العدد: 626
يوم إبداعى الشخصى:
أرجوزة للأطفال
(فالكبار إن استطاعوا)
أنتَ…و ماترى !!
أصل الكبّايَة المِتْنَصّصَهْ دى: فيها فيها
وصاحبنا المتردد جدا، مشغول بيها.
طب وانت شفت انهُوهْ فيهمْ؟؟؟
شفت النص المليان حاجة .
طب حاجةْ إيه؟
أو شفت النص الفاضى وبس،
طب نعمل إيه ؟
لو كنت صحيح عايز تحكمْ، والحكم ميزان،
تعرف لما تشوفها ملانة: إنك عطشان
وإذا شفت النص الفاضى وبَسْ، تبقى قرفان
أو يمكن مش واخد بالك وانت زهقان
طبْ شوفها وانت بعيد عنها
نصّها مليان ! نصها فاضى! قرّب منها
تملاك تملاها، تقلـّبْها
تلقاك جوّاها وى شاربْها
بعدين تملاها يجوز بَاحْسنْ
مش تقعد تبكى وتتمسكن
لو ماليانه بكلام فارغ، قومْ فـضّيها
واملاها باللى ما هوش فيها
ولا تستجرِى فْ يوم ترميها
تشربها ما دام إنت ماليها