يحيى الرخاوى طبيب نفسى
نشرة “الإنسان والتطور”
الثلاثاء: 5-3-2013
السنة السادسة
العدد: 2013
الثلاثاء الحرّ:
مقدمة:
مازال الثلاثاء يصر على التمتع بحريته، فيقدم اليوم آخر أرجوزة من أراجيز الأطفال، حيث اكتشفت أننى نشرتها جميعاً هنا فى النشرات إلا هذه،
يا ترى لماذا تأخرت؟؟؟
الحق فى الحزن
-1-
همّا مش فاهمين دا ليه؟
همّا عايزنِّى ابقى ايه؟
هما عايزين انى أفرح آه! وبس؟
هوّا مش ربى خلقنى، إنى بنى آدم، باحِسّ؟
يبقى من حقى انى احزن
أو أرفّسْ أو أزرجن
-2-
هما شايفين انى لازم ابقى دائم الابتسام
أبقى أنا كده فى السليم؟ كله تمام؟
يعنى يّتكوا على بطنى أكركر؟
طب وأنا بالشكل ده إزاى راح اكبر؟!!
-3-
أنا برضه نفسى أفرح
واجرى والعب حتى لو قالوا باصَرْمح
بس لمّا أحزن كمان، …
يبقى من حقى انى أحزن
مش كده أنا برضه فرَحِى: يبقى أحسنْ
-4-
أنا حزنى حاجة غير الزنّ واللزقة وإنى اقلبها غم
إحنا خلقه ربنا
يبقى ناخد حقنا
فى دَهْ، ودَهْ
ولا شايف غير كِدَهْ؟
أنا حزنى حاجة غير الزنّ واللزقة وإنى اقلبها غم
إحنا خلقه ربنا
يبقى ناخد حقنا
فى دَهْ، ودَهْ
ولا شايف غير كِدَهْ؟
الله يرحمك و يغفرلك
قلبي حزين لفراقك سيادة الاستاذ الدكتور يحيى
يا رب الفردوس الاعلى من الجنة