يحيى الرخاوى طبيب نفسى
نشرة “الإنسان والتطور”
الأحد: 13-12-2015
السنة التاسعة
العدد: 3026
الأساس فى الطب النفسى
الافتراضات الأساسية الفصل السابع:
ملف الاضطرابات الجامعة (14)
الزمن الوقت: مأزق شخصى (5)
المقدمة:
طلب منى بعض أبنائى وبناتى أن أجيب شخصيا على الأسئلة العشرة، وأن ألعب الألعاب الخمس، مثلما أفعل فى العلاج الجمعى مع المرضى حسب قاعدة أن ما يسرى عليهم يسرىَ علىّ، وحين أخبرتهم أننى منذ أكثر من شهر، وأنا لا أفعل إلا محاولة الإجابة على ما خطر لى من أسئلة عن الزمن والوقت، أصرّوا على أن يعاملونى بالمثل، وأن ما نظّرت وشرحت شىء، وإجاباتى الشخصية شىء آخر،
فوافقتهم محرجا،
وربنا يستر
****
أولاً: استجابات الأسئلة العشرة:
(1) هو الزمن عبارة عن الوقت اللى الساعة بتقول عليه، ولاّ رأيك إيه؟
د. يحيى:
الزمن هو هذه اللحظة، هذا الجزء من الثانية الذى استجيب فيه لما يمكن، هو ما أملأ به أجزاء الثوانى إليه،
أما الوقت فهو ما يرصَدُ خارجى، من غيرى، بالساعة، أو من كلٍّ حسب وقته هو، على حسابى عادة.
(2) بِتْحسّ بمرور الزمن أسرع من زمان، ولاّ أقل، ولا هوّا هوّا ؟
د. يحيى:
بصراحة هوّا هوّ، دا إذا كنت باسمح لنفسى إنى أقارن.
(3) يا ترى لو ركزت على شعورك بمرور الزمن ولقيت نفسك بتقرب من اللى أنت مش عايزه، تعمل إيه؟
د. يحيى:
حسب إيه هوّا اللى انا مش عايزه، طبعا فى سنى مش عايز أموت إلا لما أخلصّ اللى عليّا، (ودا استعباط غالبا)،
فى الغالب هاترعب، وبعدين حاتطمّن من كتر الرعب، ما دام مافيش منه فايدة.
(4) هل تشعر إن الزمن سرقك أكثر مما كنت تعتقد؟
د. يحيى:
ساعات ساعات
ما دام ما فيش استنساخ، وما دمت بأملا وقتى دقيقة بدقيقة، يبقى ما حدش يقدر يسرقنى.
(5) لو صدّقت إن ربنا حايحاسبك على كل ثانية مليتها بإيه، تعمل إيه فى اللى جاى؟
د. يحيى:
أعمل اللى باعمله دلوقتى، يمكن بإتقان أكثر، وأرتب أولوياتى إليه بطريقة أحسن.
(6) تفتكر إنت عايز اليوم يبقى كام ساعة عشان تحقق فيه نُصّ اللى نِفْسَك فيه؟
د. يحيى:
لا يا عم، كفاية علىّ أربع وعشرين ساعة، هوّا انا حانهب.
(7) أحسن أوقات اليوم عندك: ساعة ما تصحى، ولاّ قرب ما تنام بالليل، ولاّ أى وقت تانى؟
د. يحيى:
أحسن وقت هوا الوقت اللى أعمل فيه حاجة كويسة لحدّ كنت متصور إنى ما اقدرش أعملها
(8) هل بتتمنى ساعات إن الوقت يقف؟ إمتى ؟ وليه ؟ ويعنى لو الحكاية فى إيدك: تحب إنه يقف لمدة قد إيه؟
د. يحيى:
يقف إيه وبتاع إيه، أما أنا أقف الأول يبقى هوّا يقف
(9) إيه أحسن الأوقات فى مراحل عمرك، الوقت الحالى، الوقت اللى فات، الوقت اللى جاى حسب توقعاتك؟
د. يحيى:
الوقت الحالى طبعا
(10) لو صدّقت إن مش مهم الوقت، يبقى المهم إيه؟
د. يحيى:
ربنا
****
ثانياً: استجابات الألعاب الخمس:
1) لو فيه دوا يطوّل العمر كنت،(أْكِمِلْ:)
د. يحيى:
كنت احاكم النصّاب اللى ادعى اختراعه
2) لو “عبقرينوا” يخترع لنا جهاز يمطّ الساعات كنت،(أْكِمِلْ:)…….
د. يحيى:
كنت اشتكيه لزيزو، وأسلط عليه سوسو ولولو وتوتو، ما هم أصحابه
3) لو فى إيدى أرجّع الزمن: كنت أرجّعه لحدّ لمّا كنت،(أْكِمِلْ:)…….
د. يحيى:
لحدّ لما كنت باقدر أجرى مع العياينين قبل طلوع الشمس
4) لو فى إيدى أستعجل الزمن كنت أستعجله، بس على شرط،(أكْمِلْ:)…
د. يحيى:
على شرط أعرف أنا باستعجله ليه، وساعتها مش حاستعجله لأنى مش حأعرف.
5) ما فيش أحسن من الثانية إللى أنا فيها دلوقتى حتى لو،(أْكِمِلْ:)…..
د. يحيى:
حتى لو وحيد… أكتر من كده