يحيى الرخاوى طبيب نفسى
نشرة “الإنسان والتطور”
الأحد: 29-11-2015
السنة التاسعة
العدد: 3012
الأساس فى الطب النفسى
الافتراضات الأساسية الفصل السابع:
ملف الاضطرابات الجامعة (11)
الزمن الوقت: من واقع التجريب المحدود (2)
(باقى إجابات الزملاء عن الأسئلة العشرة)
المقدمة:
نشرت أمس الاستجابات على نصف الأسئلة (من 1-5) أمس وننشر اليوم النصف الثانى أمِلا – مرة أخرى- أن أعطى فرصة للتأمل والتعقيب، وأن أتيح الفرصة لمن يشاء أن يصله منها ما يريد دون تدخل ملاحِقٍ منى كما اعتدت فى بريد الجمعة، ثم لعلها فرصة لمن لم يشارك فى الرد أن يبادر فيفعل فأرد على الجميع معاً الأسبوع القادم.
اعتذار: وصلنى عتَاب من الابن “عمر صديق” أننا لم ننشر استجاباته أمس، وهو خطأ سكرتارية أنا مسئول عنه، فأرجو أن يقبل اعتذارى، وسوف أنشر استجاباته الخمس الأولى فى هذه المقدمة، واضمِّن استجاباته على الخمس الأخيرة فى نشرة اليوم، وأعتبرها فرصة أن يقرأ نصوص الأسئلة الأولى من لم يقرأها أمس،….. شكرا يا عمر، وهذه هى إجاباتك مستقله:
(1) هو الزمن عبارة عن الوقت اللى الساعة بتقول عليه، ولاّ رأيك إيه؟
الوقت قياس للزمن وكأن الزمن اشمل من الوقت ومحتويه، ولكن مع الاسف اشعر ان الوقت قد احتل الزمن بالساعة.
(2) بِتْحسّ بمرور الزمن أسرع من زمان، ولاّ أقل، ولا هوّا هوّا ؟
اظن ان سرعة مرور الزمن لها علاقة كبيرة بالشعور بلحظة المكان فكلما تطورت الادوات التي تبعدنا عن هذا الشعور ضاع الإحساس بمرور الزمن، ويا ويلنا ان لم نعي بذلك او لم نعمل بعد وعينا بذلك.
(3) يا ترى لو ركزت على شعورك بمرور الزمن ولقيت نفسك بتقرب من اللى أنت مش عايزه، تعمل إيه؟
الهرووووب على طول
(4) هل تشعر إن الزمن سرقك أكثر مما كنت تعتقد؟
لا اظن ان احدا ينجو من هذا الشعور في لحظة ما وخصوصاً مع تقدم العمر، ولذلك يخيل لي ان هذا السؤال ليس له معنى كبير لدى الشخص في مقتبل العمر.
(5) لو صدّقت إن ربنا حايحاسبك على كل ثانية مليتها بإيه، تعمل إيه فى اللى جاى؟
صدقت وكذبت وعملت وما عملت
*****
ثم ننتقل إلى أستجابات نشرة اليوم (الأسئلة من 6-10)
(6) تفتكر إنت عايز اليوم يبقى كام ساعة عشان تحقق فيه نُصّ اللى نِفْسَك فيه؟
د. كيرلس فوزى: إن اليوم يبقى 30 ساعة
أ. زينب طارق: زى ما هو
أ. نادية حامد: 72 ساعة
أ. أمير حمزة: 48 ساعة
أ. محمد الويشى: 12 ساعة
أ. أية محمد حسين: أكثر من 48 ساعة
أ. محمود جمال الدين: أنا عايز اليوم يبقى 34 ساعة وساعات النوم ما تزدش عن 8 ساعات
د. محمد بكر: مش عارف
أ. رباب حمودة: مش عارفة يمكن هو هو انا ضد التغيير شوية
د. هالة الحلوانى: مش قادرة احسبها ولا اتخيلها
أ. أيمن عبد العزيز: أحيانا بابقى مش عايزاه يخلص، وأحيانا مابتبقاش فارقة قوى
أ. أحمد رأفت: زى ما هوّا، المهم مش بعدد الساعات المهم بفائدة كل ساعة
أ. عزت على عزت: هو 24 ساعة كفاية بس اللى يعرف ينظم وقته يرتاح
د. جون جمال: 30 ساعة
أ. أمير منير: 60 ساعة
أ. علاء عبد الهادى: اليوم يبقى شهر
أ. د. خالد أنور: أنا شايف الــ 24 ساعة كفاية أوى
أ. عمر صديق: لو كنت محقق نجاح او متعة من متع الحياة اتمنى يطول للابد ولكن ايام الغيم الاسود اتمنى ألا يطول الا لثواني
د. يحيى:
أجلت تعقيبى إلى الأسبوع القادم كما ذكرت فى المقدمة، آملا فى تلقى ملاحظات وتعقيبات من يشاء (وليس فقط صاحب الرد).
ملحوظة: يمكن لصاحب الردود أن يعدّل إجاباته كما يريد، مع تحديد رقم السؤال وذكر السبب أو بدون ذلك!، وأن يعقب عليها كما يشاء، وكذلك أدعوه أن يعقب على إجابات الآخرين إذا أراد..
(7) أحسن أوقات اليوم عندك: ساعة ما تصحى، ولاّ قرب ما تنام بالليل، ولاّ أى وقت تانى؟
د. كيرلس فوزى: حاليا قرب ما انام
أ. زينب طارق: ساعة لما باصحى لو أى حاجة محتاجة نشاط، بس أحسن وقت عندى هو وقت الغروب
أ. نادية حامد: قرب ما أنام
أ. أمير حمزة: قرب لما أنام بالليل
أ. محمد الويشى: ساعة أى حاجة حقيقية
أ. أية محمد حسين: أفضل الأوقات هى الأكثر إنتاجاً سواء أول ما أصحى أو بالليل
أ. محمود جمال الدين: من بعد 10 مساء ولحد الشروق
د. محمد بكر: قرب ما أنام
أ. رباب حمودة: ساعة ما أصحى
د. هالة الحلوانى: معادتش بتفرق
أ. أيمن عبد العزيز: قرب ما أنام بالليل – و بين العصر والمغرب
أ. أحمد رأفت: أى وقت تانى
أ. عزت على عزت: وقت الغروب
د. جون جمال: مش مُحدد
أ. أمير منير: اقُرب مانام بالليل
أ. علاء عبد الهادى: ساعة ما أصحى
أ. د. خالد أنور: ساعات ساعة ما أصحى، وساعات قرب ما أنام بالليل وساعات أى وقت تانى
أ. عمر صديق: الله الله في وقت الصبح ما اجمله من وقت
د. يحيى:
أجلت تعقيبى إلى الأسبوع القادم كما ذكرت فى المقدمة، آملا فى تلقى ملاحظات وتعقيبات من يشاء (وليس فقط صاحب الرد).
ملحوظة: يمكن لصاحب الردود أن يعدّل إجاباته كما يريد، مع تحديد رقم السؤال وذكر السبب أو بدون ذلك!، وأن يعقب عليها كما يشاء، وكذلك أدعوه أن يعقب على إجابات الآخرين إذا أراد..
(8) هل بتتمنى ساعات إن الوقت يقف؟ إمتى ؟ وليه ؟ ويعنى لو الحكاية فى إيدك: تحب إنه يقف لمدة قد إيه؟
د. كيرلس فوزى:. آه لما ابقى قاعد مع ناس بحبهم ومبسوط ولو الحكاية فى إيدى، يبقى يقف الوقت على حسب مزاجى، وأنا اللى أقوله يمشى أو يقعد
أ. زينب طارق: بيجيلى الاحساس ده ساعات لما باكون فى وسط الطبيعة يعنى فوق جبل أو أوقات الغروب على البحر، أو ساعات تانية لما باكون مجتمعه مع عيلتى وكلنا بنضحك، بابقى عايزة اللحظات دى تستمر لحد ما أزهق فمش عارفة ده لمدة قد إيه؟
أ. نادية حامد: أيوه، فى الأوقات اللى فيها مسئوليات وأعباء كثيرة وقدرات مهمة علشان أقدر أنجزها تمام أو أخذ قراراتى بتأنى.
أ. أمير حمزة: ماحبش الوقت يقف خالص
أ. محمد الويشى: ماخطرشى على بالى الموضوع ده قبل كده
أ. أية محمد حسين: أيوه فى اللحظات الجميلة يعنى يوم مثلاً.
أ. محمود جمال الدين: باتمنى أن الوقت يقف أيام الاجازة أكثر، وأحب إنى أنبسط فيه أكثر
د. محمد بكر: أه يقف لما أحب أوقفه علشان يمكن يبقى مريح لحد ما ربنا يسهل
أ. رباب حمودة: نعم، وقت زحمة الشغل، عشان ألحق اخلَّص، لغاية ما اخلص، وأعتقد أنه حايبقى كثير
د. هالة الحلوانى: مش عايزة الزمن يعدى وانا واقفة فى مكانى لسه ماحققت أحلامى، عايزاه يقف لحد ما أحقق ذاتى وطموحاتى
أ. أيمن عبد العزيز: صعب قوى ده، عند فقد عزيز
أ. أحمد رأفت: لا…، لا أتمنى
أ. عزت على عزت: أه ، لما أكون متأخر، لأن باحب ألتزم بالمواعيد، حسب ما أنا محتاج.
د. جون جمال: آه عند الشعور بالرضا وفايدة الناس عشان باحس بالمعنى، يقف كتير
أ. أمير منير: أه لحظات الفرح- المعدودة جداً
أ. علاء عبد الهادى: لا مش عايزه يقف
أ. د. خالد أنور: لا،… وعمرى ما أتمنيت إن الوقت يقف
أ. عمر صديق: جواب سؤال 6 تقريباً فيه الاجابة اما لماذا؟ فهذا فيه كلام وفصال!؟!؟
د. يحيى:
أجلت تعقيبى إلى الأسبوع القادم كما ذكرت فى المقدمة، آملا فى تلقى ملاحظات وتعقيبات من يشاء (وليس فقط صاحب الرد).
ملحوظة: يمكن لصاحب الردود أن يعدّل إجاباته كما يريد، مع تحديد رقم السؤال وذكر السبب أو بدون ذلك!، وأن يعقب عليها كما يشاء، وكذلك أدعوه أن يعقب على إجابات الآخرين إذا أراد..
(9) إيه أحسن الأوقات فى مراحل عمرك، الوقت الحالى، الوقت اللى فات، الوقت اللى جاى حسب توقعاتك؟
د. كيرلس فوزى:. جزء من اللى فات وجزء من الحالى وجزء من اللى جاى
أ. زينب طارق: سؤال صعب، اللى فات حلو بس عندى أمل فى المستقبل
أ. نادية حامد: الوقت اللى فات
أ. أمير حمزة: الوقت اللى فات كان أحسن كتير
أ. محمد الويشى: كل مرحلة زمنية فيها جزء أحسن
أ. أية محمد حسين: الوقت الحالى
أ. محمود جمال الدين: أيام طفولتى ولحد 3 إعدادى
د. محمد بكر: الوقت اللى جاى
أ. رباب حمودة: الوقت الحالى
د. هالة الحلوانى: مش عارفة ، ومش فارقة
أ. أيمن عبد العزيز: الوقت الحالى
أ. أحمد رأفت: الوقت الحالى
أ. عزت على عزت: الوقت اللى جاى
د. جون جمال: الوقت الحالى
أ. أمير منير: اللى فات
أ. علاء عبد الهادى: الوقت اللى فات
أ. د. خالد أنور: الوقت اللى جاى
أ. عمر صديق: على الاكثر الوقت الحالي ولكن احن كثيرا للوقت الماضي واخاف من اللي جاي، ربنا يستر
د. يحيى:
أجلت تعقيبى إلى الأسبوع القادم كما ذكرت فى المقدمة، آملا فى تلقى ملاحظات وتعقيبات من يشاء (وليس فقط صاحب الرد).
ملحوظة: يمكن لصاحب الردود أن يعدّل إجاباته كما يريد، مع تحديد رقم السؤال وذكر السبب أو بدون ذلك!، وأن يعقب عليها كما يشاء، وكذلك أدعوه أن يعقب على إجابات الآخرين إذا أراد..
(10) لو صدّقت إن مش مهم الوقت، يبقى المهم إيه؟
د. كيرلس فوزى: لا، أنا مش مصدق أن الوقت مش مهم- ولو صدقت يبقى مفيش حاجة مهمة بعد كده.
أ. زينب طارق: راحتك النفسية ورضاك عن نفسك
أ. نادية حامد: مش قادرة أصدق إنه مش مهم الوقت، أو لو صدقت يبقى المهم هو الوقت ضاع فى إيه، أو كنت حاعمل فيه إيه.
أ. أمير حمزة: إزاى أستفاد من كل لحظة مهمة فى حياتى عشان أحقق اللى أنا عايزه
أ. محمد الويشى: التصديق
أ. أية محمد حسين: لا الوقت مهم لأنه ينظم الحياة
أ. محمود جمال الدين: المهم اللى بنعمله فى الوقت ده
د. محمد بكر: تصدق!!: ماعرفش
أ. رباب حمودة: اللى بتعمله فى الوقت
د. هالة الحلوانى: أنا مصدقة أنه مهم جداً
أ. أيمن عبد العزيز: أزاى أعيش الوقت ده
أ. أحمد رأفت: مافيش أهم من الوقت
أ. عزت على عزت: مافيش حاجة مهمة أكتر، لأن كل حاجة مرتبطة بالوقت
د. جون جمال: مش عارف أصدق أنه مش مهم
أ. أمير منير: الرب
أ. علاء عبد الهادى: إزاى اتبسط بكل لحظة عايشها
أ. د. خالد أنور: السعادة
أ. عمر صديق: العمل العمل العمل، كنت اتمنى اجيب غير هذه الاجابة التقليدية
د. يحيى:
أجلت تعقيبى إلى الأسبوع القادم كما ذكرت فى المقدمة، آملا فى تلقى ملاحظات وتعقيبات من يشاء (وليس فقط صاحب الرد).
ملحوظة: يمكن لصاحب الردود أن يعدّل إجاباته كما يريد، مع تحديد رقم السؤال وذكر السبب أو بدون ذلك!، وأن يعقب عليها كما يشاء، وكذلك أدعوه أن يعقب على إجابات الآخرين إذا أراد..