يوم إبداعى الخاص: من الشعر العامى: شقاوة قلم

“نشرة” الإنسان والتطور

9-3-2009

السنة الثانية

العدد: 556

يوم إبداعى الخاص:

  من الشعر العامى

أكتشفت أننى استشهدت بأربعة أبيات

من مقدمة ديوانى “أغوار النفس” عدة

مرات فى هذه النشرات منذ صدورها،

وكلما قرأتهم، يصلونى بشكل آخر، لشأن آخر.

قلت: ليحـّلوا ضيوفا اليوم  مع من يسندهم ممن ينتمى إليهم

من نفس المقدمة.

شقاوة قلم

المقتطف الأول

……………..

مرّ الهوا‏ ‏صفَّرْ‏، ‏سِمْعِنَا‏ ‏الصوتْ‏ ‏كإن‏ ‏النَّعْـش‏ ‏بِيْطلّع‏ ‏كَلاَمْ‏:‏

‏”‏لأ‏ْْ..، ‏لسّهْ‏..، ‏إسْكُتْ‏،.. ‏لَـمْ‏ ‏حَصَلْ‏.‏

‏‏ سيِمَا‏ .. ، ‏ياتَاكْسِى، .. ‏لسَّه‏ ‏كامْ‏ ‏؟‏”‏

‏ ‏أىّ ‏كلام‏.

‏

ألفاظ‏ْْ ‏زينَهْ‏، ‏مَسْكيَنه‏ْْ،‏

بتزقْزَقْ، ‏وتْصَوْصَوْ، ‏

‏ .. ‏وِخَلاَصْ!!‏

****

المقتطف الثانى

……………..

اللفظ‏ ‏ماتْ‏ ‏مِنْ ‏ركنِتُهْ‏.‏

من‏ ‏لعبة‏ ‏العسكرْ ‏وطول‏ ‏تخبــيّـتـُه‏،‏

ظرف‏ ‏رصاص‏ ‏فاضى ‏مصدّى ‏فْ ‏علبتــه‏.‏

لما القلم سنه اتقصفْ

‏عملــته‏ ‏تلبيسهْ‏ ‏تــمــكـّنْ ‏ماسكتهْ،‏

‏واهى ‏شخبطه‏. ‏

****

المقتطف الثالث

…………….

كل‏ ‏القلم‏ ‏ما‏ ‏اتقصف‏ ‏يطلعْ لُـه‏ ‏سن‏ ‏جديدْ‏،‏

‏”‏وايشْ‏ ‏تعمل‏ ‏الكـلْمـَةْ‏ ‏يَابَـا‏، ‏والقدَرْ‏ ‏مواعيد‏ْ”‏؟

خلق‏ ‏القلم‏ ‏مِالعَدَمْ ‏أو راقْ‏،  ‏وِ‏.. ‏مَــلاَهَا‏،‏

وانْ‏  ‏كان‏ ‏عاجبْنٍى ‏وَجَبْ، ‏

‏ ‏ولاّ‏   ‏أتنّـى ‏بعيدْ.‏

****

المقتطف الرابع

 ‏………….‏

قلت‏ ‏انـَا‏ ‏مشْ‏ ‏قدّ‏ ‏قـَلـَـمِى‏.‏

قلت‏ ‏انا‏ ‏يكفينىِ ‏أَلـَمـِى‏.‏

قلت‏ ‏أنا‏ ‏ما‏ ‏لى، ‏أنا‏ ‏اسـْترزَقْ ‏واعيشْ‏،‏

والهربْ ‏فى ‏الأسْـَتـذَةْ‏  ‏زيّـُــهْ‏  ‏مافــيش‏ْ،‏

والمراكزْ، ‏والجوايزْ، ‏والـَّذى ‏ما‏ ‏بـْيـنِـْتـهيشْ

قلت‏ ‏اخبِّى ‏نفسى ‏جُـوَّا‏ ‏كامْ‏ ‏كتابْ.‏

قلت‏ ‏أشـْغـِـلْ ‏روحى  ‏بالقولْ  ‏والحسابْ.‏

                     والمقابلاتْ‏، ‏والمجالسْ

والجماعةْ ‏مخلَّصـِينـْلـَكْ‏ ‏كل‏ ‏حاجـَة‏ْ. ‏أَيْـوَهْ ‏خـَالـِص‏ْ. ‏

‏      ‏                  بس‏ ‏بـَرْضـَك‏ ‏وانت‏ “‏جالسْ‏”.‏

****

المقتطف الخامس

‏……………….‏

القلم‏ ‏صحصح‏ ‏ونطّ ‏الحرْف‏ ‏منُّه‏ ‏لْوَحدُه‏ ‏بِيخزّق‏ ‏عِينَىَّ،‏

وابْتْدا‏ ‏قَلمِى ‏يِجَرّحنى ‏أنا‏.‏

قالِّى ‏بالذمَّةْ:                           ‏

‏ ‏لو‏ ‏كنت‏ ‏صحيح‏ ‏بنى ‏آدمْ،.. ‏بـِـتـْحِسْ،‏

والناس‏ ‏قدامك‏ ‏فى ‏ألـَمُهمْ، ‏وفْ‏ ‏فَرَحْتِهُمْ،‏

وفْ‏ ‏كسْرتهم‏، ‏وفْ‏ ‏ميلة‏ ‏البخْتٌ‏، ‏

مشْ‏ ‏ترسـِمـْهُم‏ ‏للناسْ‏‏؟‏

‏الناس‏ ‏التانيةْ‏؟

إٍللى ‏مِشْ‏ ‏قادْرَهْ‏ ‏تقولْ‏: “‏آه‏” ‏عَنْدِ‏ ‏الدَّكْتورْ.‏

أصل‏ “‏الآه‏” ‏المودَهْ‏ ‏غاليهْ، ‏

‏لازم‏ ‏بالحَجْزْ،‏

‏ ‏لازم‏ ‏بالدورْ‏.‏

مش‏ ‏يمكن‏ ‏ناسْنا‏ ‏الَغْلبَانَهْ‏ ‏إِللى ‏لِسَّه‏ “‏ما‏ ‏صَابْـهَاشِ‏”. ‏الدورْ؛‏

‏    ‏ينتبهوا‏ ‏قبل‏ ‏الدُّحْدِيرَةْ‏ – ‏قبل‏ ‏ما‏ ‏يغرقُوا‏ ‏فى ‏الطينْ‏.‏

‏                 ‏ولاّ ‏السَّبُّوبه‏ ‏حَاتتعْطَّلْ‏ ‏لَو‏ ‏ذِعْت‏ ‏السِّر‏؟

‏     ‏ولاّ‏ ‏انْتَ‏ ‏جَبَان‏‏؟

****

المقتطف السادس

………………… ‏

بصراحة‏ ‏انا‏ ‏خفت‏،

خفت‏ ‏من‏ ‏القلم‏ ‏الطايحْ ‏فى ‏الكلّ‏ ‏كـَلـِيلـَهْ.‏

حيقولُوا‏ ‏إٍيه‏ ‏الزُّمَلاَ‏ ‏المِسْتَنِّيَهْ ‏الغلْطَهْ؟

حيقولوا‏ ‏إيه‏ ‏العُلَـماَ‏ ‏المُكْنْ

‏(‏بِسكون‏ ‏عَالْكَافْ .. ‏إِوعَكْ‏ ‏تغْلَطْ‏)‏

على ‏عالِم‏، ‏أو‏ ‏مُتَعَالم‏: ‏بيقولْ‏ ‏كَماَ‏ ‏راجِل‏ ‏الشَّارع

‏…………

****

المقتطف السابع

…………………

القلم‏ ‏اتهز‏ ‏فْ‏ ‏ايدى، ‏

طــلّــعْ ‏لى ‏لسانُهْ‏،‏

‏  ‏ما‏ ‏يقولوا‏!!‏

حد‏ ‏يقدر‏  ‏يحرم‏  ‏الطير‏ ‏من‏ ‏غُـنَـاهْ‏؟‏!‏

من‏ ‏وليف‏ ‏العش‏، ‏من‏ ‏حضن‏ ‏الحياهْ‏؟ ‏!‏!!

تطلع‏ ‏الكلمة‏  ‏كما‏ ‏ربِّى ‏خلقْها‏،‏

تطلع‏ ‏الكلمة  ‏بْعَـبلْها‏،‏

تِبْقَى ‏هيّا ‏الِكْلمة‏ ‏أَصْل‏ ‏الكُونْ‏ ‏تِصَحِّى ‏المِيِّتِيْن‏.‏

والخايفْ‏ ‏يبقى ‏يوسَّعْ،‏

‏ ‏أَحْسن‏ ‏يطَّــَّـرْطـَش‏، ‏

أو‏ ‏تيجى ‏فْ‏ ‏عينه‏ ‏شرارة‏، ‏

‏ ‏أو‏  ‏لا‏ ‏سـَمـَحَ ‏الـلّه

يِكْتِشِفِ‏ ‏انُّه‏ ‏بِيْحِسْ‏.‏

****

المقتطف الأخير

……………..‏

‏ ‏اللفظ‏ ‏قام‏ ‏من‏ ‏رَقْدِتُـه‏.‏

ربك‏ ‏كريم‏ ‏يِنْفُخْ‏ ‏فى ‏صُورْتُه‏ ‏ومَعْنِتُه‏.‏

يرجع‏ ‏يغنى ‏الطِّير‏ ‏عَلَى ‏فْروعِ‏ ‏الشَّجَرْ.‏

                             ويقول‏”‏يارب‏”،‏

وتجيله‏ ‏ردَ‏ ‏الدعْوَهْ ‏مِنْ‏ ‏قَلْبُه‏ ‏الرِّطِـبْ‏. ‏

………

ألفاظ‏ ‏بتهِزّ‏ ‏الكُونْ،‏

وبتضرب‏ْْ ‏فى ‏المَلْيَانْ،‏

وتنوّر قـلب  ‏الضِّحْكَةْ‏‏،‏

وبتفضَحْ‏ ‏كِدْب‏ ‏السَّاكِتْ،

وبتفقسْ كل جبانْ.‏

****