يحيى الرخاوى طبيب نفسى
نشرة “الإنسان والتطور”
الأحد: 7-7-2024
السنة السابعة عشر
العدد: 6154
أغانى مصرية: عن الفطرة البشرية
للأطفال ↔ الكبار وبالعكس [1]
14- صورتى فى المراية
-1-
آنا بصيت فى مرايتى
شفت نفسى: هيَـا صورتى
إنما رْجعْتِ فْ كلامى:
إللى شفته “مش أنا بدر التمام”!
آنا كام؟
-2-
إنتو شايفين اللى برّة
بس ده مش كلّى مرّة
أنا لسّه ليّا جوّهً
حتى باين: إنى هوّه
“أنهو أحسن؟”
أنهو أحسن؟!!!
آنا أحسن!!
-3-
آنا “مجموعى” أنا
لأَّهْ ما تْبصّشْ هناكْ، آنا هنا.أيوه بص ويالاَّ قلْ لِى:
آنا “شكلى”؟، ولاّ كلّى؟
-4-
آنا يعنى كتيرْ، وقصدِى
إنىِّ كُلّى عالَى بعضى”
أنا بادخلْ وارجع اطلعْ حلو أكتر
حتى وَناَ نايم : بابَرْطعْ
أصحى أكبَرْ
-5-
حركة حلوة ماللى هيّا
كل عشَرة تبقى ميّه
تبقى ألف بدون نهاية
كل آخِرْ: هوّا هوا إلبداية
ـــــــــــــــــــــــــــــــــــــ
[1] – يحيى الرخاوى، (2017) “أغانى مصرية: عن الفطرة البشرية للأطفال والكبار (وبالعكس)”، منشورات جمعية الطب النفسى التطورى، والكتاب متاح فى مكتبة الأنجلو المصرية وفى منفذ مستشفى د. الرخاوى للصحة النفسية شارع 10، وفى مؤسسة الرخاوى للتدريب والأبحاث العلمية: 24 شارع 18 من شارع 9 مدينة المقطم، كما يوجد أيضا بموقع المؤلف، وهذا هو الرابط www.rakhawy.net.
