يحيى الرخاوى طبيب نفسى
نشرة “الإنسان والتطور”
16-12-2009
السنة الثالثة
العدد: 838
إعادة تنظيم واستجابات أصدقاء لفرض “الحب”
مقدمة:
ها هو الصديق الكريم: أ.د. جمال التركى يحدد الموقف بشكل حاسم، ويعلنه على ملأ الزملاء فى شبكة العلوم النفسية العربية، وهو يحدد يوم الجمعة الأول من كل شهر للحوار حول هذا العمل الذى لم يعد مجرد شرح ديوان أغوار النفس، بل اصبح تحديداً “فقه العلاقات البشرية” إنطلاقا من ثقافتنا التى يشير إلى هذا الشرح.
اسمح لى يا جمال أن أوجز ما وصلنا إليه على الوجه التالى:
أولا: يتواصل الشرح على المتن وتداعياته كل أربعاء.
ثانيا: يدعم الشرح – كلما أمكن – بمقتطف من حالة أو علاج (جمعى بالذات) أو استجابة للعبة (المنهج الجديد) لتوضيح بعض الفروض التى تتخلق من شرح المتن.
ثالثا: يدعم أيضا باستجابات المشاركين الأفاضل فى الألعاب المتعلقة فى محاولة لتحقيق الفرض، ونقده، مع ما تيسر من تعقيب محدود أو حوار لمواصلة النقد.
رابعا: يختص الجمعة الأول من كل شهر من بريد الجمعة لمناقشة المنهج والمحتوى معاً لسائر النشرات منذ بدأ النشر، مع التركيز على النشرات الأربع (أو الخمس التى نشرت خلال الشهر المنصرم)
شكرا يا جمال.
ونبدأ اليوم برسالتك الكريمة اعترافا بالفضل وتأكيدا للدعوة،
دعنا نأمل يا جمال معا أن نتعرف على النص البشرى انطلاقا من ثقافتنا فعلا بلغتنا القادرة، متوجهين إلى كل الناس، متكافلين محترِمين بعضنا البعض، ما أمكن ذلك، وعلى الله قصد السبيل ومنها جائر.
الحمد لله.
د. جمال التركى
الأخوة الزملاء فى شبكة العلوم النفسية العربية
السلام عليكم و رحمة الله
تلقينا فى “شبكة العلوم النفسية العربية” بارتياح تخصيص البروفسور يحيى الرخاوى حوار بريد أول جمعة من كل شهر للرد على قراءة الزملاء/تعقيبهم على نشرته اليومية الخاصة بـ “دراسات فى علم النفس السيكوباتولوجى” (الجزء الثاني) والتى يعرض فيها محاولاته سعيه فكّ شيفرة النص البشرى بقراءته لفقه العلاقات البشرية من خلال عرضه لوحات تشكيلية فى العلاج النفسى والحياة إنطلاقا من شرحه متن ” ديوان أغوار النفس”.
إنا نقدر هذه المبادرة منه أفضل من تخصيص ” يومية الخميس من كل أسبوع ” لعرض ردوده، من ذلك أن قصر الفترة الزمنية(أسبوع) قد لا تسمح للبعض منا عرض وجهات نظرهم لما جاء فى هذا المحور سواء لافتقاد المساحة الزمنية الكافية بالرد أو لتعذر استعاب ما جاء فيها فى زمن وجيز.
بهذا الإجراء، تكون يومية جمعة 1 جانفى (يناير) 2010، هى اليومية المخصصة للرد على مداخلات الأساتذة والزملاء الكرام، وحتى نكون عمليين أدعو أن تصل البروفسور الرخاوى على بريد النشرة:
mokattampsych2002@hotmail.com
وجهات نظركم فى أجل لا يتجاوز أسبوع قبل إصدار اليومية، ليكون موعد 25ديسمبر هو آخر موعد تلقى قراءاتكم للرد عليها فى بريد/يومية 1 جانفى 2010، وكل تجاوز لهذا الموعد يلقى حقه من الرد فى يومية أول جمعة لشهر فيفري. وإنّا (على مستوى الشبكة) نلتزم أن نوزع فى بريد مراسلاتها أهم الأفكار التى عرضها البروفسور الرخاوى فى نشرته الأسبوعية الخاصة بهذه الدراسة فى علم السيكوباثولوجي.
إنّا نعتقد أن لا نهضة لنا دون غوص فى أعماق تركيبتنا و تفكيك شيفرة “الميكانيزمات الواعية و اللاواعية” المستحكمة فينا حتى نعى حالتانا وواقعنا فنأصل فينا ما يجعلنا بشرا سويا مكرما، متجاوزين ما زادنا رهقا واغترابا أبعدنا عن إنسانيتنا لصالح الإنسان فينا وصالح المغترب منا/فيناالذى يظن أنه يحسن صنعا.
إن دعوتنا مشاركتكم إثراء هذا العمل الأصيل للبروفيسور الرخاوي، يدخل فى هذا الإطار… حتى نتجاور تخلفا علميا أبعدنا و تبعية همشتنا، بتمحيص ما وصلنا فنقبل ما زادنا/الإنسان توافقا مع ذاتنا/الآخر/الكون/خالقنا، ونفند ما كنا نغتقد أنه علما لا يأتيه الباطل، أضلنا/الإنسان وأشفانا/الإنسان.
الأمل فيكم/فينا كبير… وما ذلك على الله بعزيز وأن سعيكم سوف يرى …
دمتم ودام عزكم وعطاءكم
الدكتور جمال التركى
*****
نشرة اليوم:
(اختبار فرض حركية “الحب” كما ظهرت فى النشرات الأخيرة وبالذات لعبة العلاج الجمعى)
الفرض:
“الحب على قمة العلاقات البشرية هو أصل فى الوجود البشرى، له جذوره فى تركيب الإنسان كما خلقها الله، وأمامه صعوبات التطور، ومخاطر التشوية”
*****
دراسة فى علم السيكوباثولوجى (الكتاب الثانى)
عودة إلى الألعاب النفسية
فيما يلى ست استجابات للعبة التى طرحناها فى نشرة 3-12-2009 (عودة إلى الألعاب النفسية، لتعويض الصمت)
(وغداَ نكمل ثمانية استجابات أخرى، بالإضافة إلى ما قد يصلنا حتى الغد)
نشرنا منذ أسبوعين عشر لعبات تدور حول الفرض المطروح عن احتمال أن يكون التواصل البشرى (الحب)، هو الذى يميز الكائن البشرى فى رحلته التطورية، وأن ما يلحق بهذا الاستعداد الجاهز هو آليات دفاعية تحول دون ذلك، وتعطله، لكنها فى نفس الوقت تعمّق الطبيعة البشرية، وتحفزها إلى تصحيح توجهها أولا بأول لا ستكمال مسيرتها. كان الدافع لهذا الاستطراد إلى هذه الألعاب هو تحريك الحوار حول الفرض المطروح بشكل أو بآخر.
قد ينتهى الأمر إلى أن نكتشف من خلال هذه المحاولات منهجا لبحث الظاهرة البشرية يضيف إلى المناهج الحالية الوصفية، والكمية، والتأويلية، المنهج الذى نكتشفه معا هو الحصول على مزيد من المعرفة بتحريك ما بداخلنا بشكل مباشر، يبدو بسيطا وسريعا، إلا أن له دلالاته الخاصة كما بدت من استجابات هؤلاء الأصدقاء اليوم كمثال:
وسوف نحاول أن نضيف أولا بأول، كما فعلنا منذ قليل، بعض ما يدعم فروضنا من واقع الممارسة الإكلينيكية الت تكشف عن تلك الخبرات التى تتكشف من الكيان البشرى تى يضطر إليها فى خبرة التعرية بالمرض،
دعونا نأمل فيما يضيف.
أ. أمل محمود
1- ربنا خلقنا نحب بعض كدهه من غير أى حاجة، بس اللى حصل بقى …… أنه خلقنا أيضاً بنغير وبنحقد وبنكره بعض وبنعتدى على بعض كمان. امال ليه يعنى بنجاهد مع نفسنا. الناس فاكرة الجهاد هو حرمان النفس من المتع الحسية، مع إن الجهاد هو ان احنا نتعلم نتعامل مع غيرتنا وتسلطنا، واستحواذنا، وكراهيتنا وعدوانيتنا بطريقة تخلينا نقرب ونعرف نحب.
2- لأ مش ممكن…!!! أنا عشان أحب لازم أتحب الأول، …..، يبقى بقى …… مفيش داعى أتعب واجاهد مع نفسى ومع الآخر.
3- ما هو ازاى أحب واحد(ة) وانا عارف إنه(ا) ممكن يسيبنى (تسينى) فى أى وقت؟!!!! بس برضه …… مادام ناوى يسيب أو تسيب، يبقى أحسن ما تعبش معاه أو معاها.
4- طب وانا حاخسر إيه لو حبيت واحد ما يستاهلشى الحب، ما دام مش مستنى منه حاجة….، إنما يعنى …… (حكاية ميستاهلشى ديه حتى لو أنا مش مستنى حاجة تخلى الواحد مايبذلش جهد فى الحب مدام التانى مايستهالش. وإلا نبقى بنضحك على نفسنا.
5- أحسن حاجة الواحد يحب اللى بيحبه وبس، طب وانا أضمن منين إن …… انى بعرف أحب فعلاً، ومش متهيألى او بادعى أنى باعرف أحب
6- أنا ما اقدرشى أحب حد ما اعرفوش، مش يمكن …… عشان ما عرفتشهوش ما قدرتش احبه.
7- طيب، إفرض أنا صدقت اللى بتقولوه، وقعدت أحب أحب أحب ، وما حدشى حبنى، مش برضه يبقى معنى كده إنى…… أنى متهيألى أنى بعرف أحب، و أن الناس متهيأ لها انها بتعرف تحب.
8- الظاهر إنى أنا فعلا لو مديت إيدى جوه أى حد حالاقيه بيحبنى، بس إيش ضمّنى …… أنى عرفت امد إيدى جوة، وأن التانى بيعرف يحب
9- إحنا مخلوقين نخاف من بعض، ونتخانق مع بعض، والحب بقى ييجى بعدين لما نطّمن لبعض، طيب !! يحصل إيه بقى لو …… لو أتخانقنا مع بعض من غير ما ننفى بعض، وكل واحد يقتل كيان الآخر. مش ده ممكن يطمئننا ويقربنا أكثر.
10- أحسن حاجة بلاش نستعمل كلمة حب دى من أصله ما دام احنا مش قادرين نتفق على معناها، أنا أقترح ….. اننا نتعلم الأول نشوف بعض. ونشوف نفسنا عندنا آخر فى حياتنا. ولا عايزين آخر زينا، أو آخر نستعمله، أو آخر يرضى احتياجاتنا وغرورنا.
*****
أ. سميح
1- ربنا خلقنا نحب بعض كدهه من غير أى حاجة، بس اللى بيحصل بقى ….. ان احنا بنخاف من هذا الحب.
2- لأ مش ممكن…!!! أنا عشان أحب لازم أتحب الأول، بس يمكن مش شرط، يبقى بقى….. لازم احب الاول.
3- ما هو ازاى أحب واحد(ة) وانا عارف إنه (ا) ممكن يسيبنى (تسينى) فى أى وقت؟!!!! بس برضه….. المفروض احبه.
4- طب وانا حاخسر إيه لو حبيت واحد مايستاهلشى الحب، ما دام مش مستنى منه حاجة بالمقابل، إنما يعنى….. انا بأستاهل أتحب برضو.
5- أحسن حاجة الواحد يحب اللى بيحبه وبس، طب وانا أضمن منين انه….. يحبنى فعلا.
6- أنا ما اقدرشى أحب حد ما اعرفوش، مش يمكن….. يطلع مابيحبنيش.
7- طيب، إفرض أنا صدقت اللى بتقولوه، وقعدت أحب أحب أحب ، وما حدشى حبنى، مش برضه يبقى معنى كده إنى….. باضحك على نفسى أو بتنازل عن حقى
8- الظاهر إنى أنا فعلا لو مديت إيدى جوه أى حد حالاقيه بيحبنى، بس إيش ضمّنى….. إنه مايهربشى.
9- إحنا مخلوقين نخاف من بعض، ونتخانق مع بعض، والحب بقى ييجى بعدين لما نطّمن لبعض، طيب !! يحصل إيه بقى لو….. حبينا من غير خناق.
10- أحسن حاجة بلاش نستعمل كلمة حب دى من أصله ما دام احنا مش قادرين نتفق على معناها،أنا أقترح….. نكمل جنب بعض واللى يحصل يحصل بدون ما نقول حب ومش عارف ايه.
أنا بالبداية حاولت ان اقول العبارات باللهجه الفلسطينية بتاعتى واكمل بيها الفراغات وبعد ذلك كنت اكتبها بالعامية المصرية اما الفصحى فلم اقرأها اليوم قد أحاول مرة أخرى
شكرا.
*****
د. أميمة رفعت
1- ربنا خلقنا نحب بعض كدهه من غير أى حاجة، بس اللى بيحصل بقى …… إحنا مش واخدين بالنا .
2- لأ مش ممكن…!!! أنا عشان أحب لازم أتحب الأول، …..، يبقى بقى …… لازم أخليك تحبنى
3- ما هو ازاى أحب واحد وانا عارفة إنه ممكن يسيبنى فى أى وقت؟!!!! بس برضه …… بس برضه حأحبه .. حد شريكى؟
4- طب وانا حاخسر إيه لو حبيت واحد ما يستاهلشى الحب، ما دام مش مستنية منه حاجة….، إنما يعنى …… حأديله كتير .
5- أحسن حاجة الواحد يحب اللى بيحبه وبس، طب وانا أضمن منين إنه …… بيحبنى قد ما بأحبه، أنا أحبه و خلاص .
6- أنا ما اقدرشى أحب حد ما اعرفوش، مش يمكن …… يغدر بى و بعطائى .
7- طيب، إفرض أنا صدقت اللى بتقولوه، وقعدت أحب أحب أحب، وما حدشى حبنى، مش برضه يبقى معنى كده إنى…… مش عارفة أحب كويس؟
8- الظاهر إنى أنا فعلا لو مديت إيدى جوه أى حد حالاقيه بيحبنى، بس إيش ضمّنى …… إن هو يعمل نفس الشىء؟
9- إحنا مخلوقين نخاف من بعض، ونتخانق مع بعض، والحب بقى ييجى بعدين لما نطّمن لبعض، طيب!! يحصل إيه بقى لو …… ما عرفناش نحب بعض؟
10- أحسن حاجة بلاش نستعمل كلمة حب دى من أصله ما دام احنا مش قادرين نتفق على معناها، أنا أقترح …… نتعايش؟ مش متأكدة إن فيه كلمة !
*****
د. مدحت منصور
يجب أن نشكر حضرتك على ذلك المجهود المضنى وندعو لك بالصحة والعافية فإذا كنا نلهث وراء النشرة فما بالنا بكاتبها. ظروفنا جميعا صعبة كمتلقين بين عمل والتزامات وظروف أخرى تزيد من الصعوبات مما يجعلنى أصر على العتبالشديد لأستاذة أمل محمود فما يجعلها تشارك بتلك القوة والجدية يلزمها أدبيا أن تكمل ما بدأته.
الألعاب:
1- ربنا خلقنا نحب بعض كدهه من غير أى حاجة، بس اللى بيحصل بقى بننسى
2- لأ مش ممكن…!!! أنا عشان أحب لازم أتحب الأول، يا بلاش، يبقى بقى ده مش حب حقيقي
3- ما هو ازاى أحب واحد(ة) وانا عارف إنه(ا) ممكن يسيبنى (تسينى) فى أى وقت؟!!!! بس برضه حكمل أحبها
مكرر
3/- ما هو ازاى أحب واحد(ة) وانا عارف إنه(ا) ممكن يسيبنى (تسينى) فى أى وقت؟!!!! بس برضه حفضل أحبها
4- طب وانا حاخسر إيه لو حبيت واحد مايستاهلشى الحب، ما دام مش مستنى منه حاجة. طز، إنما يعنى لازم أحبه
5- أحسن حاجة الواحد يحب اللى بيحبه وبس، طب وانا أضمن منين إن هو بيحبنى بحقيقي.
6- أنا ما اقدرشى أحب حد ما اعرفوش، مش يمكن يطلع مش هو
مكرر
6/- أنا ما اقدرشى أحب حد ما اعرفوش، مش يمكن مش زى اللى أنا متصوره عنه.
7- طيب، إفرض أنا صدقت اللى بتقولوه، وقعدت أحب أحب أحب ، وما حدشى حبنى، مش برضه يبقى معنى كده إنى كسبان وخسران.
8- الظاهر إنى أنا فعلا لو مديت إيدى جوه أى حد حالاقيه بيحبنى، بس إيش ضمّنى إنى بحبه
9- إحنا مخلوقين نخاف من بعض، ونتخانق مع بعض، والحب بقى ييجى بعدين لما نطّمن لبعض، طيب !! يحصل إيه بقى لو حبينا بعض قبل الخناق والخوف
10- أحسن حاجة بلاش نستعمل كلمة حب دى من أصله ما دام احنا مش قادرين نتفق على معناها، أنا أقترح العطاء
مكرر
10/- أحسن حاجة بلاش نستعمل كلمة حب دى من أصله ما دام احنا مش قادرين نتفق على معناها، أنا أقترح العطاء بدل الحب.
بعد ما انتهيت من الإجابات والله فرحت، حسيت إنى اتعلمت حاجة ولو أنى خفت أكون مفبرك الإجابات يعنى هى الأمانة مقابل الإرضاء.
*****
د. وليد طلعت
1- ربنا خلقنا نحب بعض كدهه من غير أى حاجة، بس اللى بيحصل بقى …… ان العلاقات شائكة دايما اكتر ما نتصور
2- لأ مش ممكن…!!! أنا عشان أحب لازم أتحب الأول، …..، يبقى بقى …… استحملنى
3- ما هو ازاى أحب واحد(ة) وانا عارف إنه(ا) ممكن يسيبنى (تسينى) فى أى وقت؟!!!! بس برضه …… الحب له طعم تانى .. ليه مانديش بعض فرصة
4- ) طب وانا حاخسر إيه لو حبيت واحد ما يستاهلشى الحب، ما دام مش مستنى منه حاجة….، إنما يعنى …… أكيد هاكون أسعد لو حبنى بجد
5- أحسن حاجة الواحد يحب اللى بيحبه وبس، طب وانا أضمن منين إن …… اللى بيحبنى بيحبنى بجد
6- أنا ما اقدرشى أحب حد ما اعرفوش، مش يمكن …… يكون مابيعرفش يحب
7- طيب، إفرض أنا صدقت اللى بتقولوه، وقعدت أحب أحب أحب ، وما حدشى حبنى، مش برضه يبقى معنى كده إنى…… هافضل وحيد
8- الظاهر إنى أنا فعلا لو مديت إيدى جوه أى حد حالاقيه بيحبنى، بس إيش ضمّنى …… ان الحب ده حايكلفنى اللى ما استحملوش
9- إحنا مخلوقين نخاف من بعض، ونتخانق مع بعض، والحب بقى ييجى بعدين لما نطّمن لبعض، طيب !! يحصل إيه بقى لو …… تبقى الأمور أسهل شوية
10- أحسن حاجة بلاش نستعمل كلمة حب دى من أصله ما دام احنا مش قادرين نتفق على معناها، أنا أقترح …… نخليها فى الخلفية شوية
خايف أكون بشارك بس عشان بشارك .. معرفش ليه حاسس ان صياغة الجمل فاللعبة المرة دى بالذات كأنها بتفرض عالواحد تكملة بشكل معين؟؟؟!!!
كل سنة وحضرتك طيب
*****
أ. محمود مختار
1- ربنا خلقنا نحب بعض كدهه من غير أى حاجة، بس اللى بيحصل بقى ……ان فيه ناس أغبية.
2- لأ مش ممكن…!!! أنا عشان أحب لازم أتحب الأول، …..، يبقى بقى ……الموضوع كده اصعب.
3- ما هو ازاى أحب واحد(ة) وانا عارف إنه(ا) ممكن يسيبنى (تسينى) فى أى وقت؟!!!! بس برضه ……حابقى أنا الكسبان. لأنها ما تستاهلشى حبي
4- طب وانا حاخسر إيه لو حبيت واحد ما يستاهلشى الحب، ما دام مش مستنى منه حاجة….، إنما يعنى ……لأ دا مستنى منه كتير لو حاحبه.
5- أحسن حاجة الواحد يحب اللى بيحبه وبس، طب وانا أضمن منين إن ……الى بيحبنى ده بيحبنى زى ما أنا عايز.
6- أنا ما اقدرشى أحب حد ما اعرفوش، مش يمكن ……يطلع حد تانى غير الى أنا شايفه.
7- طيب، إفرض أنا صدقت اللى بتقولوه، وقعدت أحب أحب أحب ، وماحدشى حبنى، مش برضه يبقى معنى كده إنى……عبيط.
8- الظاهر إنى أنا فعلا لو مديت إيدى جوه أى حد حالاقيه بيحبنى، بس إيش ضمّنى ……أن أنا اقدر احبه بجد.
9- إحنا مخلوقين نخاف من بعض، ونتخانق مع بعض، والحب بقى ييجى بعدين لما نطّمن لبعض، طيب !! يحصل إيه بقى لو ……نسيب لبعض شوية.
10- أحسن حاجة بلاش نستعمل كلمة حب دى من أصله ما دام احنا مش قادرين نتفق على معناها، أنا أقترح ……نمارسها وبس زى ما حسينها وبس.
*****