يحيى الرخاوى طبيب نفسى
نشرة “الإنسان والتطور”
الأثنين: 18-3-2019
السنة الثانية عشرة
العدد: 4216
(مقتطفات متعلقة) من أعمال يحيى الرخاوى
النقدية والإنشائية والإبداعية
مقتطف من كتاب: “أغانى مصرية: “عن الفطرة البشرية للأطفال والكبار (وبالعكس)”
20- الإحساس بالذنب
-1-
الغلط وارد ما دمنا صغيّرين
لما نغلط ربنا يسامح، ونتعلم، ونفهم:
إننا من أصل طينْ.
والكبار برضكْ بِيِغْلطوا زيِّنَا
ماهى خلقةْ ربنا
نعملِ ايِهْ ؟
-2-
الغلط ما هوش نهايةْ
الغلط هوا البداية
بعدها إنت وشطارتك
حتى لو شِمِت الغَبى: قال إيه فى خيبت
-3-
والذنوب دى مهما كانت، هىّ مابتلزقشى فينا
إحنا نفهما ونحسبها ونغسلها، وُهبْ،
ويَا اللاَ بينا
-4-
الغلط دا لما نفهم إنه ماضى فات أوانه
يبقى خطوه ناحية الـْمـُمـْكـِن مَكَانُهْ
لو ضميرنا شـَلـَنا قال إيه غلطنا
يبقى معناه إننا رضينا بخيبتنا
لو ضميرنا مش حايسمح حبتين كدا: بالغلط
يبقى ده عزّ الغَلَطْ
يبقى نعرف إننا مش قد دَرْسُهْ
إن كتر كلامنا عنه قد منعَنا انَّا نِحِسُّهْ
-5-
حتى لو ذنب بصحيح، وكبير قوى
ربنا أرحم وأكبر، ربنا هو القوى
[1] – يحيى الرخاوى “أغانى مصرية: عن الفطرة البشرية للأطفال والكبار (وبالعكس)” (ص 108 – 111) منشورات جمعية الطب النفسى التطورى 2017
