يحيى الرخاوى طبيب نفسى
نشرة “الإنسان والتطور”
السبت: 21-11-2015
السنة التاسعة
العدد: 3004
الأساس فى الطب النفسى
الافتراضات الأساسية الفصل السابع:
ملف الاضطرابات الجامعة (8)
دعوة للمشاركة الخفيفة بدون تعقيب
عشرة أسئلة وخمس لعبات
مقدمة
الذى يذكر ما كنا نقدمه فى السنوات الأولى من صدور هذه النشرة، وتابع بعض بريد الجمعة، يعلم كيف كانت تثير اللعبات شبه التمثيلية (التى أُطْلِقُ عليها أحيانا “المينى دراما”): الأحاسيس والمراجعات والمناقشة، ثم إنه بعد أن ترامى منى ملف الزمن كالعادة، رجعت إلى ثلاث برامج تليفزيونية(1) كنت قد قدمت فيها مفهوم الزمن بطريقة المشاركة مع الضيوف والمشاهدين باستثارة الأسئلة، والدعوة إلى تأليف نص تلقائى مينى دراما: بإكمال الجملة الناقصة بما يتراءى للمُشَارِك.
قلت ألتقط أنفاسى، وأقوم باختبار: هل المتابعة بنفس الحماس القديم ما زالت ممكنة، بديلا عن تقديم أفكارى وفروضى جاهزة، لعل ذلك هو السبب فى العزوف عن المشاركة، فضممت هذه التجربة اليوم عشرة أسئلة ، وخمس لعبات متعلقة بهذا البعد الذى نقلّبه وندور حوله ” الزمن”، ولو أننى اكتشفت أن ما قدّمت فى تلك البرامج، والآن، هو أقرب إلى إدركنا “للوقت” وليس للزمن.
أولاً: الأسئلة العشرة:
(1) هو الزمن عبارة عن الوقت اللى الساعة بتقول عليه، ولاّ رأيك إيه؟ …………………………………………….
(2) بِتْحسّ بمرور الزمن أسرع من زمان، ولاّ أقل، ولا هوّا هوّا ؟ …………………………………………………….
(3) يا ترى لو ركزت على شعورك بمرور الزمن ولقيت نفسك بتقرب من اللى أنت مش عايزه، تعمل إيه؟…………………………………………………………………………………………………………………………………
(4) هل تشعر إن الزمن سرقك أكثر مما كنت تعتقد؟……………….……………………………………………………
(5) لو صدّقت إن ربنا حايحاسبك على كل ثانية مليتها بإيه ، تعمل إيه فى اللى جاى؟………………………
(6) تفتكر إنت عايز اليوم يبقى كام ساعة عشان تحقق فيه نُصّ اللى نِفْسَك فيه؟ ……………………………
(7) أحسن أوقات اليوم عندك: ساعة ما تصحى، ولاّ قرب ما تنام بالليل، ولاّ أى وقت تانى؟………………..
(8) هل بتتمنى ساعات إن الوقت يقف؟ إمتى ؟ وليه ؟ ويعنى لو الحكاية فى إيدك: تحب إنه يقف لمدة قد إيه؟……………………………………………………………………………………………………………………………….
(9) إيه أحسن الأوقات فى مراحل عمرك، الوقت الحالى، الوقت اللى فات، الوقت اللى جاى حسب توقعاتك؟…………………………………………………………………………………………………………………………..
(10) لو صدّقت إن مش مهم الوقت، يبقى المهم إيه.. ؟……………………………………………………………….
****
ثانياً: الألعاب الخمس
(فكرة اللعبة أن تكمل بأى كلام عفو الخاطر، وبأسرع ما تستطيع، وأكاد أقول “دون تفكير”: لو سمحت!)
1) لو فيه دوا يطوّل العمر كنت،(أْكِمِلْ:)……………………………………………………………………….
2) لو “عبقرينوا” يخترع لنا جهاز يمطّ الساعات كنت،(أْكِمِلْ:)…………………………………………………
3) لو فى إيدى أرجّع الزمن: كنت أرجّعه لحدّ لمّا كنت،(أْكِمِلْ:)………………………………………………
4) لو فى إيدى أستعجل الزمن كنت أستعجله، بس على شرط،(أكْمِلْ:)…………………………………………
5) ما فيش أحسن من الثانية إللى أنا فيها دلوقتى حتى لو،(أْكِمِلْ:)……………………………………………….
وبعد
آمل أن تثير هذه المقدمة مراجعة موقفنا كأصحاء(!!) من الوعى بمرور الوقت، فما بالك بالزمن، وبالتالى نفهم موقف المريض من الوعى بالزمن، وخاصة ما نسميه اضطرابات، وبالتالى نتواضع فى الحكم عليه.
[1] – هى “سر اللعبة” (قناة النيل الثقافية) & إقلب الصفحة قناة MBC & مع الرخاوى (قناة أنا)