يحيى الرخاوى طبيب نفسى
نشرة “الإنسان والتطور“
4-4-2012
السنة الخامسة
العدد: 1678
الأساس: الكتاب الأول: الافتراضات الأساسية (64)
الإدراك (25)
الفهم واللافهم: مدخل إلى الادراك (4 من .. ؟)
من العلاج الجمعى
نفس اللعبة مع مجموعة أخرى (4-5-2011)
مجموعة أخرى
لعبة يا خبر دا انا لو ما فهمتش يمكن …..
مقدمة:
فى جلسة لاحقة، بعد سنة وشهرين، فى مجموعة أخرى، فى قصر العينى أيضا، ونحن نتعرف على قنوات التواصل بين أفراد المجموعة العلاجية ونؤكد على مبدأىْ
(1) نشتغل فى “اللى مش فاهمينُه”
(2) و”نعمل اللى مش قادرين عليه”
تذكرت هذه الفكرة، وأننا نتفاهم بفهم وبغير فهم، وتدرج التفاعل حتى وصلنا إلى إعادة الخبرة السابقة مستعملين نفس اللعبه.
وقد فضلت الآن أن اقدم هذه العينة الجديدة من مجموعة أخرى حتى لا نتصور أننا سوف نحصل على نفس الإجابات إذا لعبنا نفس اللعبة مع اختلاف الظروف، واختلاف الأفراد.
وسوف نؤجل التفسيرات أيضا مثلما فعلنا سابقا،
وننشر اليوم نص الاستجابات بما دار حولها ومعها.
ونلاحظ ابتداءً أن العدد كان أكبر والمقاومة كانت أقل، وحين نأتى إلى مرحلة التعقيب والتفسير، سوف نناقش ذلك.
النص
(بعد مناقشة مريضة وأعتذار محمد (المريض) بعدم فهمه طلبت أن يكمل وهو مش فاهم)
………
………
د.يحيي: تجرب يا محمد
محمد: اجرب
د.يحيي: لأ بس حاتمثل، عايز قلة الفهم تحضر فى وشك وجسمك وكله وأنت بتقول: يا خبر!! دا انا لو ما فهمتش “يمكن” وتقول أى كلام وحتقولها لنا كلنا
محمد: الكلمه اللى بعد “يمكن” أغيرها
د.يحيي: آه الكلمه اللى بعد “يمكن” تغيرها ونص، دا الأصول إنك ما تكررهاش أصلا “يا خبر!! تطلع يا خبر!! عشان نادر لما الواحد يتنازل عن الفهم .. حد يحب يبتدى الحكايه دى بس بتمثيل بقى “يا خبر دا انا لو ما فهمتش يمكن” وتروح داببها
محمد: بس هوّا لازم انادى كل واحد فيهم باسمه؟ واحد واحد
د.يحيي: آه كل واحد، وانت كمان حاتقولها لنفسك، تبتدى بإنك تروح شاهق الشهقه اللى هى، وتقول “يا خبرا!!” عشان تروح طارد الفهم
محمد: يا احمد يا خبر دا انا لو ما فهمتش يمكن كنت ابقى احسن
محمد: يا ياسمين يا خبر دا انا لو ما فهمتش يمكن الامور تتغير (دخول المريضه سحر)
محمد: يا دكتور محمد يا خبر دا انا لو ما فهمتش يمكن ما كانش حصل كل ده
محمد: يا رضا يا خبر دا انا لو ما فهمتش يمكن كنت استريحت من كل المشاكل دى
محمد: يا دكتور يحيى يا خبر دا انا لو ما فهمتش يمكن كنت حافظت على صحتى
محمد: يا سحر يا خبر دا انا لو ما فهمتش يمكن ربنا يستجيب لدعوتى
محمد: يا محمد (محدثا نفسه) يا خبر دا انا لو ما فهمتش يمكن ظروفى بقت احسن من كده
د.يحيي: تدى الكوره لمين
محمد: ينفع للدكاتره
د.يحيي: طبعا ماعدا انا بلعب فى الاخر
محمد: ارميها للدكتور محمد
د.محمد نشأت: على طول كده دا حتى يبقى حرام
د.محمد نشأت: يا ياسمين يا خبر دا انا لو ما فهمتش يمكن ابقى واحد تانى
د.محمد نشأت: يا سحر يا خبر دا انا لو ما فهمتش يمكن ما ابقاش بنى ادم
د.محمد نشأت: يا احمد يا خبر دا انا لو ما فهمتش يمكن ما احسش بيك
د.محمد نشأت: يا محمد يا خبر دا انا لو ما فهمتش يمكن ابعد بعيد قوى
د.محمد نشأت: يا رضا يا خبر دا انا لو ما فهمتش يمكن الدنيا تبقى صعب قوى
د.محمد نشأت: يا دكتور يحيى يا خبر دا انا لو ما فهمتش يمكن ما اعرفش اتعلم منك حاجه
د.محمد نشأت: يا محمد (محدثا نفسه) يا خبر دا انا لو ما فهمتش يمكن اللى انا عملته راح على الارض
د.يحيي: ترمى الكورة لمين متشكرين
د.محمد نشأت: اديها لرضا
رضا: كفايه كفايه يا دكتور كفايه عشان احنا تعبنا
د.يحيي: يا رضا
رضا: كفايه احنا لعبناها وعرفناها خلاص كده
د.يحيي: لأ انت حتعملى زى لعبة الظلم، وما الظلمش، الله!! احنا بنقلّب واللى يطلع يطلع
رضا: اى كلام يعنى؟
د.يحيي: ما هو كله اى كلام يعني
رضا: اصلها صعبه
د.يحيي: هو ايه اللى مش صعبه الحياه كلها صعبه
رضا: لأ الحياه مش صعبه الحياه بقت حلوه دلوقتى دى اللى صعبه ادى الكوره لسحر
سحر: لأ تدى لمين انا فى الضياع اصلا لسه حافكر
رضا: يا دكتور محمد يا خبر دا انا لو ما فهمتش يمكن ما كنتش جيت هنا
د.يحيي: ما بلاش كان وما كنتش ما كانتش فى الماضى بلاش كنت وكان لأنها بتبعدنا عن هنا ودلوقتى عشان القاعده انا وانت وهنا ودلوقتى دا انا لو مافهمتش يمكن
رضا: يا ياسمين يا خبر دا انا لو ما فهمتش يمكن ما اقفش على رجليا
رضا: يا سحر يا خبر دا انا لو ما فهمتش يمكن ما اشتغلش تانى
رضا: يا احمد يا خبر دا انا لو ما فهمتش يمكن ما اكرهش حد
رضا: يا محمد يا خبر دا انا لو ما فهمتش يمكن ما اجيش هنا
رضا: يا دكتور يحيى يا خبر دا انا لو ما فهمتش يمكن ما اعرفش احبك
رضا: يا رضا يا خبر دا انا لو ما فهمتش يمكن ما اعيش حياتي
د.يحيى: تدى الكوره لمين
د.محمد نشأت: مش نغير الموضوع
د.يحيى: ليه بقى
د.محمد: أنا شاكك فى حاجه أصلى خايف لا نكرر
د.يحيى: فيه ناس ما لعبتش أستنى بس ليه أنت تلعب وفيه ناس ما لعبتش هل الموضوع تقل عليك شويه ولا أفكرك باللى قولته وأنت من حقك تبوظه ومن حقك تعمل أى حاجه باللى حصل، هو إيه اللى خطر فى بالك دلوقتى خلال تعوز تغير الموضوع؟ علماً بأن زملاتك بعض زملاتك فى ناس حا يرتاحوا وفى ناس حا يتبسطوا وفى ناس حا يضايقوا خلينا نشوف: ليه نغير الموضوع
محمد: انا شايف أن فيه موضوع تانى مجدى عنه
د.يحيى: أحنا بنقيس الجدوى أزاى
محمد: مش عارف
د.يحيى: طيب خلاص ما دام أنت مش عارف سيبنا نشتغل
محمد: ما هو أنا مش فاهم، مش حضرتك بتقول ما تخفش لما ما تفهمشى، أدينى مش فاهم
د.يحيى: على البركه من اللى عليه الدور حا تدى الكوره لمين
رضا: لياسمين
ياسمين: لسه ما رمتش
د.يحيى: أدى الكوره لحد ما لعبش
د.محمد نشأت: ديه مش كوره بقى ديه
رضا: دى قنبلة، ياللا يا ياسمين
د.يحيى: خلى بالك أنت اللى كنت عاوز تغير الموضوع شوف الناس اللى حا يلعبوا بقى
ياسمين: أنا رافضة الكوره مش عايزاها يعنى
د.يحيى: ما حدش بيرفض الأ اللى له حق يولع النور الأحمر، يعنى الدكاترة الصغيرين بس
ياسمين: هى صعبة
د.يحيى: ما هى صعبة من الأول
د.محمد نشأت: سحر عاوزه تلعب
ياسمين: أنا مستغنيه عنها لسحر يا دكتور يحيى ينفع
سحر: أنا بقولك خلصى بسرعه
ياسمين: ما هى حا ييجى عليكى برضه
سحر: لما ييجى عليا يعدلها ربنا
ياسمين: أنا ممكن أرميها لها من أول مره من أول ما أبتدى مسموحلى يعنى ماعلش
…………..
…………..
د.يحيى: ياللا يا ياسمين الله
ياسمين: أنا رميت الكوره لسحر
د.يحيى: ماينفعش
سحر: لا أله ألا الله
د.محمد نشأت: ما تتتنزليش عن حقك دا حقك أنك تلعبى
سحر: وأنا مش عايزاه ألعب
د.يحيى: رضا ملكه المقاومه لعبتها ياللا يا سحر
ياسمين: بس ياللا يا سحر يا خبر دا أنا لو ما فهمتش يمكن
ياسمين: أنا حالعب يا أحمد يا خبر دا أنا لو ما فهمتش يمكن أهرب زى دينا ما هربت
ياسمين: يا محمد يا خبر دا أنا لو ما فهمتش يمكن ما أجيش هنا تانى
ياسمين: يا كتور يحيى يا خبر دا أنا لو ما فهمتش يمكن الدنيا تتهد
ياسمين: يا رضا يا خبر دا أنا لو ما فهمتش يمكن أستريح
ياسمين: يا دكتور محمد يا خبر دا أنا لو ما فهمتش يمكن ما أكونش أنا ياسمين
ياسمين: يا ياسمين يا خبر دا أنا لو ما فهمتش يمكن دى تبقى كارثه
د.يحيى: تدى الكوره لمين
ياسمين: لسحر
سحر: يا أحمد يا خبر دا أنا لو ما فهمتش يمكن ضعت
سحر: يا محمد يا خبر دا أنا لو ما فهمتش حا أرجع لوره
سحر: يا دكتور يحيى يا خبر دا أنا لو ما فهمتش يمكن ما أفهمش
سحر: يا رضا يا خبر دا أنا لو ما فهمتش يمكن ما أبدأش حياتى
سحر: يا دكتور محمد يا خبر دا أنا لو ما فهمتش يمكن مش حا أقدر أطاوعك
سحر: يا ياسمين يا خبر دا أنا لو ما فهمتش يمكن أنسى كل حاجه
سحر: يا دكتوره دينا يا خبر دا أنا لو ما فهمتش يمكن ما أتقدمتش
سحر: يا سحر يا خبر دا أنا لو ما فهمتش يمكن أهد كل اللى بنيته
(دخول المريض عبد المجيد)
د.يحيى: تدى الكوره لمين
سحر: أديها للدكتوره دينا
د.يحيى: أفكرك ولا بلاش يا دينا
د.دينا: بأيه
د.يحيى: بالنور الأحمر من حقك تلعبى ومن حقك ما تلعبيش غيرى أنا ومحمد
د.دينا: ممكن أختار ثلاثه بس
د.يحيى: لأه مافيش هو الأحمر حا نخليه أيه بمبى، يا تلعبى يا متلعبيش
د.دينا: حا ألعب
د.يحيى: يلى بسم الله
د.دينا: بس حضرتك بس فكرنى، يا خبر دا لو إيه
ياسمين: يا فلان مثلاً يا خبر دا أنا لو ما فهمتش يمكن
د.دينا: يا رضا يا خبر دا أنا لو ما فهمتش يمكن أحسن لى
د.دينا: يا محمد يا خبر دا أنا لو ما فهمتش يمكن أضيع
د.دينا: يا عبد المجيد يا خبر دا أنا لو ما فهمتش يمكن أرتاح
د.دينا: يا ياسمين يا خبر دا أنا لو ما فهمتش يمكن أروح فى داهيه
د.دينا: يا سحر يا خبر دا أنا لو ما فهمتش يمكن أريح دماغى
د.دينا: يا أحمد يا خبر دا أنا لو ما فهمتش يمكن أتفاجأ فى الأخِر
د.دينا: يا محمد يا خبر دا أنا لو ما فهمتش يمكن أبقى أسعد
د.دينا: يا دكتور يحيى يا خبر دا أنا لو ما فهمتش يمكن أندم
د.دينا: يادينا يا خبر دا أنا لو ما فهمتش يمكن أظلم نفسى
د.يحيى الرخاوى: تدى الكورة لمين فاضل حد غير عبد المجيد وأنا
د.دينا: لأ، وأحمد لسه، أديها لأحمد
أحمد: يامحمد يا خبر دا أنا لو ما فهمتش يمكن أحسن
أحمد: يادكتورة دينا يا خبر دا أنا لو ما فهمتش يمكن أفشل
أحمد: يا دكتور يحيى يا خبر دا أنا لو ما فهمتش يمكن ماكنتش تعبت
د.يحيى الرخاوى: لأه مفيش ماكنتش
أحمد: يا دكتور يحيى يا خبر دا أنا لو ما فهمتش يمكن ماتعبش
أحمد: يا رضا يا خبر دا أنا لو ما فهمتش يمكن أحزن
أحمد: يا دكتور محمد يا خبر دا أنا لو ما فهمتش يمكن ماجش هنا
د.يحيى الرخاوى: برده ده فعل ماضى ماجتش هنا فعل ماضى
أحمد: أمال أقول إيه
أحمد: يا دكتور محمد يا خبر دا أنا لو ما فهمتش يمكن أحسن
أحمد: يا عبد المجيد يا خبر دا أنا لو ما فهمتش يمكن أتعب
أحمد: يا ياسمين يا خبر دا أنا لو ما فهمتش يمكن ماكنش ده حالى
أحمد: يا سحر يا خبر دا أنا لو ما فهمتش يمكن ما أتعبش
أحمد: يا أحمد يا خبر دا أنا لو ما فهمتش يمكن أرتاح
عبد المجيد: يا ياسمين يا خبر دا أنا لو ما فهمتش يمكن أكذب
عبد المجيد: يا سحر يا خبر دا أنا لو ما فهمتش يمكن أضايق
عبد المجيد: يا أحمد يا خبر دا أنا لو ما فهمتش يمكن ما أكملش
عبد المجيد: يا محمد يا خبر دا أنا لو ما فهمتش يمكن أشك فى نفسى
عبد المجيد: يا دكتورة دينا يا خبر دا أنا لو ما فهمتش يمكن أضايق
عبد المجيد: يا دكتور يحيى يا خبر دا أنا لو ما فهمتش يمكن ما أتغيرش
عبد المجيد: يا رضا يا خبر دا أنا لو ما فهمتش يمكن ما أعملش حاجات كتير
عبد المجيد: يا دكتور محمد يا خبر دا أنا لو ما فهمتش يمكن ما أتكلمش
عبد المجيد: يا عبد المجيد يا خبر دا أنا لو ما فهمتش يمكن تخسر حاجات كتير
د.يحيى الرخاوى: يا رضا يا خبر دا أنا لو ما فهمتش يمكن أقتل
د.يحيى الرخاوى: يا دكتور محمد يا خبر دا أنا لو ما فهمتش يمكن أبطل
د.يحيى الرخاوى: يا عبد المجيد يا خبر دا أنا لو ما فهمتش يمكن ماعرفش أعالجك
د.يحيى الرخاوى: يا ياسمين يا خبر دا أنا لو ما فهمتش يمكن يسجنونى
د.يحيى الرخاوى: يا سحر يا خبر دا أنا لو ما فهمتش يمكن يكفّرونى
د.يحيى الرخاوى: يا أحمد يا خبر دا أنا لو ما فهمتش يمكن أروح فى 60 داهيه
د.يحيى الرخاوى: يا عم محمد يا خبر دا أنا لو ما فهمتش يمكن أعمل إبداع أكتر من كده
د.يحيى الرخاوى: يا دينا يا خبر دا أنا لو ما فهمتش يمكن ربنا يستجيب دعايا أسرع يعنى إنى أكمل يعنى
د.يحيى الرخاوى: يا يحيى يا خبر دا أنا لو ما فهمتش يمكن ماعرفكش
*****
وإلى الأسبوع القادم فى محاولة القراءة والتفسير