يحيى الرخاوى طبيب نفسى
نشرة “الإنسان والتطور”
4-1-2011
السنة الرابعة
العدد: 1222
الأساس: الكتاب الأول: الافتراضات الأساسية (25)
الصحة النفسية (18)
ماهية الحرية، والصحة النفسية (3)
عن المنهج
مقدمة:
لو أننا طلبنا منك – صديقنا العزيز– أن تكتب فقرة عن موضوع “الحرية” لا تزيد عن عشرة أسطر، تعربفها وموقفك منها ومدى ما تتمع به شخصياً من حرية فى هذا المجتمع بالذات، فأغلب الظن أنها ستأتى إنشائية، ماسخة، أو خطابية زاعقة، أو تسوياتية مائعة، أو خيالية آمِلة
وإذا عدنا بعد هذا وذاك فطلبنا أن تلعب أنت هذه اللعبة بالصورة التى قدمناها يوم الأربعاء الماضى ثم تعيد كتابة الفقرة.
ثم عدنا ثانية وطلبنا منك أن تقرأ “المائة وخمسة” فقرة التى صدرت يوم الثلاثاء الماضى.
فكيف ستكون النتيجة؟
ليس المطلوب هو أن تقول لنا –أو لنفسك– أى من المحاولات الثلاثة هى الأقدر على كشف المفهوم (الحرية) وتحديد أبعاده .
كل ما نريد أن نصل إليه هو أن تشاركنا فكرة أن تعدد أساليب التناول، يظهر أبعادًا مختلفة عن بعضها البعض بشكل ليس هنا.
ولقد تعمدنا أن نعيد ألفاظ اللعبة فى كل استجابة لأن رصد الاستجابات وحدها – كما حاولت أنا شخصيا– يبعدنا عن البدايات الملهمة لتقليب الأمر والتفكير التلقائى الكاشف.
ما علاقة ذلك بمحاولتنا التعرف على علاقة الحرية بالصحة النفسية، ومن ثم بالمرض النفسى، وبالجنون وبالمجنون؟
مازلنا نحاول أن نهز طريقة التفكير فى تناول هذه المقابلات بين الصحة والمرض من خلال فحص أبعاد مختلفة ولكن على مستويات أعمق مما اعتدنا
يبدو أن السلامة التى تسمى الصحة النفسية هى فى ضبط حركية مستويات الحرية (ومن ثم الإرادة) معا، وبالتالى فالمرض النفسى هو فى نشاز هذه الحركية أو إعاقتها أو تجميدها، وهكذا تكون استعادة الصحة هى فى استعادة تناسق مستويات الحرية التى نحاول أن نفحصها هنا والآن.
إن اختلاف مناهج تناول مثل هذه المفاهيم إنما يكشف عن تعدد الأبعاد وحتم الحركية أكثر مما يحدد أبعاد التعريف وأسوار المفهوم الجامعة المانعة قيد البحث.
الفرض الذى أقترح التفكير فيه بعد أن تنتهى من قراءة الاستجابات العشرين فى هذه الحلقة وهى الاستجابات التى وصلتنا من أصدقاء الموقع وأغلبها من العاملين فى الحقل النفسى (معى) – تحت ضغط– يقول:
“إن منهج الألعاب يكشف حقيقة وأبعاد ما يعرضه أعمق، وبتنويعات مختلفة، وتشكيلات متداخلة مفيدة”.
نكتفى اليوم بعرض الاستجابات العشرين، ونعرض غدا استجابات أقدم لنفس اللعبة مع رابط بالفيديو، كما أجريت قبل سبع سنوات (10/7/2004) فى برنامج “سر اللعبة” فى قناة النيل الثقافية ثم نرى.؟؟
* * * *
استجابات أصدقاء الموقع
“لعبة الحرية”
أ. رباب حمودة
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى الحرية صعبة جداً
اللعبة الثانية
أنا لو كنت اتربيت على إنى أبقى حرة بصحيح، كان زمانىعرفت يعنى ايه حر
اللعبة الثالثة
أنا أقعد أقول عايزة ابقى حرة، عايزة ابقى حرة، ومش عارفه لو بقيت حرة يمكن اكون سعيدة ولا لأ
اللعبة الرابعة
هوّا مين له حق يحط حدود لحريتى؟ طب دانا مش عارفه الحدود عندى
اللعبة الخامسة
أنا شخصيا أخاف ابقى حرة بحق وحقيق لحسن ماعرفش اعيش
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن ده معنى الحرية
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى خلينا كده الى يوصل يوصل
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو الموجود حايفضل زى ما هو ومش حايتغير
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى انى اعيشها
اللعبة الأخيرة (العاشرة)
حتى لو الحرية نسبية، أنا لازم اعيشها شوية
*****
د. مصطفى مرزوق
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى حمار
اللعبة الثانية
أنا لو كنت اتربيت على إنى أبقى حر بصحيح، كان زمانى زى ما أنا
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أعمل ايه
اللعبة الرابعة
هوّا مين له حق يحط حدود لحريتى؟ طب دانا حر أًصلاً
اللعبة الخامسة
أنا شخصيا أخاف ابقى حر بحق وحقيق لحسن مش عارف حاعمل إيه
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن دى هى الحرية الحقيقية
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى خلينا زى ما احنا
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو المنتظر
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى مش عارف هي إيه
اللعبة الأخيرة (العاشرة)
حتى لو الحرية نسبية، أنا لازم أكون حر
*****
د. ماجدة صالح
الألعاب العشرة
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى واخده مقلب كبير
اللعبة الثانية
أنا لو كنت اتربيت على إنى أبقى حرة بصحيح، كان زمانى عشت الحرية بكل مالها وعليها.
اللعبة الثالثة
أنا أقعد أقول عايزة ابقى حرة، عايز ابقى حرة، ومش عارف لو بقيت حرة يمكن أتجنن جوا نفسى أكتر.
اللعبة الرابعة
هوّا مين له حق يحط حدود لحريتى؟ طب دانا كنت أفرمه.
اللعبة الخامسة
أنا شخصيا أخاف ابقى حرة بحق وحقيق لحسن أتورط فى مسئوليات أكتر.
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرتى هى الحرية الحقيقية.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نربيهم صح، ونسيبهم ياخذوا الحرية من بق الأسد على أد ما يقدروا.
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ما هو التنفيذ أصعب.
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى أنى ما أخفشى من عواقب التطبيق.
اللعبة الأخيرة (العاشرة)
حتى لو الحرية نسبية، أنا لازم أعيشها.
*****
د. أسامة فيكتور
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى مش حر ولا حاجة
اللعبة الثانية
أنا لو كنت اتربيت على إنى أبقى حر بصحيح، كان زمانى بقيت حر أو نص حر حتى.
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أتجنن أو معرفش نفسى.
اللعبة الرابعة
هوّا مين له حق يحط حدود لحريتى؟ طب دانا مش حر ولا يحزنون يبقى حتحط حدود لإيه؟.
اللعبة الخامسة
أنا شخصيا أخاف ابقى حر بحق وحقيق لحسن أبقى مسئول وحاجات كده.
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن اللى أنا فيه ده حرية ولا مش حرية.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نشوف نفسنا الأول وبعدين نفكر فى العيال.
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ما هو الحال حايفضل على ما هو عليه لا حايتقدم ولا حايتأخر.
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى أبقى سيد نفسى وسيد قرارى.
اللعبة الأخيرة (العاشرة)
حتى لو الحرية نسبية، أنا لازم أدور عليها وأقتنيها.
*****
د. عمرو دنيا
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى لا حر ولا نيلة
اللعبة الثانية
أنا لو كنت اتربيت على إنى أبقى حر بصحيح، كان زمانى بقيت حر بصحيح.
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أخيب الخيبة الثقيلة
اللعبة الرابعة
هوّا مين له حق يحط حدود لحريتى؟ طب دانا خايف قوى.
اللعبة الخامسة
أنا شخصيا أخاف ابقى حر بحق وحقيق لحسن أنيل الدنيا.
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرتى دى صح.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى بلاش نشيل هم التفكير فى الموضوع ده أصلاً.
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ما هو أنا حادفع الثمن
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى إنى أتحرر من قيود نفسى وفكرى.
اللعبة الأخيرة (العاشرة)
حتى لو الحرية نسبية، أنا لازم أخاف أخاف بجد.
*****
د. ميلاد خليفة
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى كله بيكذب
اللعبة الثانية
أنا لو كنت اتربيت على إنى أبقى حر بصحيح، كان زمانى حاجة كبيرة.
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أعمل إيه
اللعبة الرابعة
هوّا مين له حق يحط حدود لحريتى؟ طب دانا حريتى مفتوحة.
اللعبة الخامسة
أنا شخصيا أخاف ابقى حر بحق وحقيق لحسن أبقى متسلط.
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرتى دى صح.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نسيبنا من الكلام الحرية حياة مالهاش قواعد.
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ما هو المشكلة أحيانا مش باعرفها فين
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى إن أتحكم فى نفسى
اللعبة الأخيرة (العاشرة)
حتى لو الحرية نسبية، أنا لازم أعرف حدودها.
*****
د. ناجى جميل
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى مش دايما أبقى حر
اللعبة الثانية
أنا لو كنت اتربيت على إنى أبقى حر بصحيح، كان زمانى باخد قرارات مختلفة فى حياتى.
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أحزن
اللعبة الرابعة
هوّا مين له حق يحط حدود لحريتى؟ طب دانا ممكن أفطس وانفجر من العملية دى.
اللعبة الخامسة
أنا شخصيا أخاف ابقى حر بحق وحقيق لحسن أشوف حاجات فى نفسى تحزنى.
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن مفيش أفكار تانية.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى إننا لازم نبقى أمناء مع نفسنا
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ما هو فيه صعوبة إنى أترجم الأفكار لحياة معاشة
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى إنى يبقى لى موقف واضح معلن وأعرف أوصله
اللعبة الأخيرة (العاشرة)
حتى لو الحرية نسبية، أنا لازم اختبرها
*****
د. أحمد أبو الوفا
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى أسير زي الثور في الساقية
اللعبة الثانية
أنا لو كنت اتربيت على إنى أبقى حر بصحيح، كان زمانى عرفت أقول لأ تكبرني
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أقف
اللعبة الرابعة
هوّا مين له حق يحط حدود لحريتى؟ طب دانا مش عارف
اللعبة الخامسة
أنا شخصيا أخاف ابقى حر بحق وحقيق لحسن أبقي شرير
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن ده يناسبني
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نتعلم منهم
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو إحتمال ماحدش يسمعني
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى إني أعيش بكرامة
اللعبة الأخيرة (العاشرة)
حتى لو الحرية نسبية، أنا لازم أعيشها
*****
د. مروان الجندى
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى متكتف وأنا مش واخد بالى
اللعبة الثانية
أنا لو كنت اتربيت على إنى أبقى حر بصحيح، كان زمانى مختلف
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أكتشف إنى كنت فاهم غلط.
اللعبة الرابعة
هوّا مين له حق يحط حدود لحريتى؟ طب دانا حر مهما الناس عملت إيه
اللعبة الخامسة
أنا شخصيا أخاف ابقى حر بحق وحقيق لحسن أعوز أرجع فى كلامى
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن حرية الأخرين مش هى اللى صح.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نسيبهم هما، ممكن يطلعوا أحسن مننا.
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو لو ماعملتش حاجة يبقى التفكير بالصورة دى مكانش له لازمة.
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى أعرف أنا عايز إيه.
اللعبة الأخيرة (العاشرة)
حتى لو الحرية نسبية، أنا لازم أستمتع بيها
*****
د. أحمد عثمان
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى برضه حر بس مش قوى
اللعبة الثانية
أنا لو كنت اتربيت على إنى أبقى حر بصحيح، كان زمانى تقريبا زى ما انا
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن ابقى فى نفس الطريق
اللعبة الرابعة
هوّا مين له حق يحط حدود لحريتى؟ طب دانا واخد الحق ده من زمان
اللعبة الخامسة
أنا شخصيا أخاف ابقى حر بحق وحقيق لحسن يبقى اللى انا فاكره واللى انا فيه ضحك على الدقون
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى اللى انا فاكره ده هو كل حاجة
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى تمارس اللى نعرفه ونصدقه مع بعض
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو لازم هادفع الثمن
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى انى اكمل فى اللى مصدقه
اللعبة الأخيرة (العاشرة)
حتى لو الحرية نسبية، أنا لازم أكمل
*****
أ. أيمن عبد العزيز
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى مش عارف حاجة
اللعبة الثانية
أنا لو كنت اتربيت على إنى أبقى حر بصحيح، كان زمانى أخترت حاجات تانية كتير
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أخاف وأفضل زى ما أنا
اللعبة الرابعة
هوّا مين له حق يحط حدود لحريتى؟ طب دانا نفسى أكسرها وأبقى قدها
اللعبة الخامسة
أنا شخصيا أخاف ابقى حر بحق وحقيق لحسن ما أقدرش على الحرية دى
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرتى صح
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى ما نحاولش نعرفهم الحرية
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو حاشيل مسئولية ده ومش هلاقى شماعه
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى انى أعمل اللى أنا عايزه من غير خوف
اللعبة الأخيرة (العاشرة)
حتى لو الحرية نسبية، أنا لازم أمارسها عشان أقدر أحب نفسى
*****
د. هشام عبد المنعم
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى حمار
اللعبة الثانية
أنا لو كنت اتربيت على إنى أبقى حر بصحيح، كان زمانى ملك
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أوصل
اللعبة الرابعة
هوّا مين له حق يحط حدود لحريتى؟ طب دانا أقدر أوصل لأبعد صدى
اللعبة الخامسة
أنا شخصيا أخاف ابقى حر بحق وحقيق لحسن أتحبس
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرتى حره قوى
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نسيبهم فى حالهم
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو حأقدر أنفذ ده؟
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى أن أبقى أنا
اللعبة الأخيرة (العاشرة)
حتى لو الحرية نسبية، أنا لازم أبقى حر
*****
أ. محمود سعد
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى مش حر خالص
اللعبة الثانية
أنا لو كنت اتربيت على إنى أبقى حر بصحيح، كان زمانى بقيت حاجة تانية
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أبقى حاجة وحشة
اللعبة الرابعة
هوّا مين له حق يحط حدود لحريتى؟ طب دانا ما أحبش التدخل
اللعبة الخامسة
أنا شخصيا أخاف ابقى حر بحق وحقيق لحسن أبقى وحش خالص
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن دى تكون هى الحرية
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى ندور على حاجة تانية غير الحرية
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو أنا مش حر فى التنفيذ
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى أن أكون مسئول
اللعبة الأخيرة (العاشرة)
حتى لو الحرية نسبية، أنا لازم أستفيد منها
*****
أ. منى أحمد
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى مش فاهمه حاجة
اللعبة الثانية
أنا لو كنت اتربيت على إنى أبقى حرة بصحيح، كان زمانى بجد حد مختلف وأفضل
اللعبة الثالثة
أنا أقعد أقول عايزة ابقى حرة، عايزة ابقى حرة، ومش عارفه لو بقيت حرة يمكن أتجنن
اللعبة الرابعة
هوّا مين له حق يحط حدود لحريتى؟ طب دانا مش عارف حدود نفسى إيه
اللعبة الخامسة
أنا شخصيا أخاف ابقى حرة بحق وحقيق لحسن أتعب
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن أنا صح
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى أنى لازم أتحرر الأول من جوايا
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو أكيدها أكون أحسن
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى أنى أكون مستريحة ومش مجبرة
اللعبة الأخيرة (العاشرة)
حتى لو الحرية نسبية، أنا لازم أحس بيها بجد
*****
د. عماد شكرى
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى حر مع إيقاف التنفيذ
اللعبة الثانية
أنا لو كنت اتربيت على إنى أبقى حر بصحيح، كان زمانى عارف أصول اللعبة
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن أتجنن
اللعبة الرابعة
هوّا مين له حق يحط حدود لحريتى؟ طب دانا مخلوق حر
اللعبة الخامسة
أنا شخصيا أخاف ابقى حر بحق وحقيق لحسن أبقى مسئول عن كل أفعالى
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن أنا باعرف أفكر
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى إنها موجة واحدة
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو حالاقى قوة تانية خارجة منى
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى أصدق إنى أقدر اختار
اللعبة الأخيرة (العاشرة)
حتى لو الحرية نسبية، أنا لازم أخذ أكبر نسبة
*****
أ. نادية حامد
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى ولا حرة ولا حاجة
اللعبة الثانية
أنا لو كنت اتربيت على إنى أبقى حرة بصحيح، كان زمانى مبسوطة شوية أكتر من كده
اللعبة الثالثة
أنا أقعد أقول عايزة ابقى حرة، عايزة ابقى حرة، ومش عارفه لو بقيت حرة يمكن أخاف من مسئولية الحرية دى
اللعبة الرابعة
هوّا مين له حق يحط حدود لحريتى؟ طب دانا حرة وحرة وحرة
اللعبة الخامسة
أنا شخصيا أخاف ابقى حرة بحق وحقيق لحسن الحرية دى مسئولية وثمنها غالى أوى
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرتى دى صح ما أنا لازم أبقى حريصة برضه وواخده بالى.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى لازم حريتهم تبقى تحت الإشراف والمتابعة برضه.
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو الحرية إلتزام ومسئولية
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى إنى أفعل وأنفذ اللى فى الصالح والخير لىّ وللى حواليا
اللعبة الأخيرة (العاشرة)
حتى لو الحرية نسبية، أنا لازم أجرب وخلاص
*****
أ. يوسف عزب
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى ممكن ابقي حر بجد
اللعبة الثانية
أنا لو كنت اتربيت على إنى أبقى حر بصحيح، كان زمانى اختصرت وقت كبير من حياتي
اللعبة الثالثة
أنا أقعد أقول عايز ابقى حر، عايز ابقى حر، ومش عارف لو بقيت حر يمكن اجنن
اللعبة الرابعة
هوّا مين له حق يحط حدود لحريتى؟ طب دانا المصيبة اني مش لاقي حد
اللعبة الخامسة
أنا شخصيا أخاف ابقى حر بحق وحقيق لحسن معرفش اعمل ايه
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن ده هوه الطريق
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نعلنها وخلاص اننا مش احرار
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو توصّل ازاي
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى اقطع كل اللي مكتفني ومش عارفه
اللعبة الأخيرة (العاشرة)
حتى لو الحرية نسبية، أنا لازم اسعى لها
*****
د. ناهد خيرى
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى مش قدها
اللعبة الثانية
أنا لو كنت اتربيت على إنى أبقى حرة بصحيح، كان زمانى إتعلمت علام
اللعبة الثالثة
أنا أقعد أقول عايزة ابقى حرة، عايزة ابقى حرة، ومش عارفه لو بقيت حرة يمكن أتجنن
اللعبة الرابعة
هوّا مين له حق يحط حدود لحريتى؟ طب دانا ريسة نفسى
اللعبة الخامسة
أنا شخصيا أخاف ابقى حرة بحق وحقيق لحسن ما أعرفش أعمل إيه
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرة حد ثانى تطلع أصح ولا لأ.
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى إنها خدعة
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو بيمشى مش إللى أنا عارفة إنه لازم يكون
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى إن أختار أعمل أنهو خطأ
اللعبة الأخيرة (العاشرة)
حتى لو الحرية نسبية، أنا لازم أحط لنفسي معايير
*****
د. أمل سعيد
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى متكلبشة بميت قيد
اللعبة الثانية
أنا لو كنت اتربيت على إنى أبقى حرة بصحيح، كان زمانى ارتحت و عملت
اللعبة الثالثة
أنا أقعد أقول عايزة ابقى حرة، عايزة ابقى حرة، ومش عارفه لو بقيت حرة يمكن الاقى نفسى وحيدة.
اللعبة الرابعة
هوّا مين له حق يحط حدود لحريتى؟ طب دانا ربنا خلقنى حرة
اللعبة الخامسة
أنا شخصيا أخاف ابقى حرة بحق وحقيق لحسن لحسن اتكشف
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن حريتك ماتخنقنيش
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نتشطر على نفسنا و نبقى احراراحنا الاول
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو وبعد ما افكر ما هو الفعل صعب و ممكن يبين خيبتى
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى انى اتنفس و اعيش بحرية كأنى انسان
اللعبة الأخيرة (العاشرة)
حتى لو الحرية نسبية، أنا لازم اصارعك على حريتى انا
*****
د. إيمان سمير
اللعبة الأولى
كل واحد عمال بيضحك على نفسه ويقول أنا حر، دانا اكتشفت إنى مافهمتش معنى الحرية إلا من قريب جدا
اللعبة الثانية
أنا لو كنت اتربيت على إنى أبقى حرة بصحيح، كان زمانى عملت اللى بأعمله دلوقتى من خمس سنين
اللعبة الثالثة
أنا أقعد أقول عايزة ابقى حرة، عايز ابقى حرة، ومش عارفه لو بقيت حرة يمكن أبوظ الدنيا
اللعبة الرابعة
هوّا مين له حق يحط حدود لحريتى؟ طب دانا ما صدقت فهمت يعنى ايه حرية وعايزة أستفيد بيها بقى، بس برضه محتاجه شوية حدود علشان الدنيا ماتبظش منى.
اللعبة الخامسة
أنا شخصيا أخاف ابقى حرة بحق وحقيق لحسن الناس تقول : اتجننت
اللعبة السادسة
الحرية دايما مرتبطة بفكرتى انا عن الحرية، طب وإيش عرفنى إن فكرتى صح وإنى مش مزوداها أو حاطه قيود على حريتى
اللعبة السابعة
طب العيال حانديهم حرية ازاى واحنا يا كبار مش أحرار من أصله، أنا رأيى نتعلم احنا يعنى إيه حرية الأول ونطبقها صح وهما حايتعملوا منا تلقائى
اللعبة الثامنة
مافيش قوة فى الدنيا تقدر تمنعنى انى أفكر بحرية حقيقية، طب وبعد ما افكر بحرية ماهو هاعمل ايه بالفكر الحر من غير ما عرف أطبقه وسط مجتمع مش بيقدر الحرية
اللعبة التاسعة
الحرية الحقيقية مش إنى انتخب مين، أو أنشر رأيى فين، حريتى الحقيقية هى انى أعرف اختار الحاجات اللى بتخصنى أنا شخصيا صح مش أمشى ورا القطيع
اللعبة الأخيرة (العاشرة)
حتى لو الحرية نسبية، أنا لازم أطبق الحرية حسب ما أنا فهما هما حتى لو مش فاهمه صح قوى