يحيى الرخاوى طبيب نفسى
نشرة “الإنسان والتطور”
الأحد: 18-8-2024
السنة السابعة عشر
العدد: 6196
أغانى مصرية: عن الفطرة البشرية
للأطفال ↔ الكبار وبالعكس [1]
20- الإحساس بالذنب
-1-
الغلط وارد ما دمنا صغيّرين
لما نغلط ربنا يسامح، ونتعلم، ونفهم:
إننا من أصل طينْ.
والكبار برضكْ بِيِغْلطوا زيِّنَا
ماهى خلقةْ ربنا
نعملِ يِهْ ؟
-2-
الغلط ما هوش نهايةْ
الغلط هوا البداية
بعدها إنت وشطارتك
حتى لو شِمِت الغَبى: قال إيه فى خيبت
-3-
والذنوب دى مهما كانت، هىّ مابتلزقشى فينا
إحنا نفهما ونحسبها ونغسلها، وُهبْ،
ويَا اللاَ بينا
-4-
الغلط دا لما نفهم إنه ماضى فات أوانه
يبقى خطوه ناحية الـْمـُمـْكـِن مَكَانُهْ
لو ضميرنا شـَلـَنا قال إيه غلطنا
يبقى معناه إننا رضينا بخيبتنا
لو ضميرنا مش حايسمح حبتين كدا: بالغلط
يبقى ده عزّ الغَلَطْ
يبقى نعرف إننا مش قد دَرْسُهْ
إن كتر كلامنا عنه قد منعَنا انَّا نِحِسُّهْ
-5-
حتى لو ذنب بصحيح، وكبير قوى
ربنا أرحم وأكبر، ربنا هو القوى
ــــــــــــــــــــــــــــــــــــــــــــ
[1] – يحيى الرخاوى، (2017) “أغانى مصرية: عن الفطرة البشرية للأطفال والكبار (وبالعكس)”، منشورات جمعية الطب النفسى التطورى، والكتاب متاح فى مكتبة الأنجلو المصرية وفى منفذ مستشفى د. الرخاوى للصحة النفسية شارع 10، وفى مؤسسة الرخاوى للتدريب والأبحاث العلمية: 24 شارع 18 من شارع 9 مدينة المقطم، كما يوجد أيضا بموقع المؤلف، وهذا هو الرابط www.rakhawy.net.
تصَّاعدي طوال الوقت
وراء أي متناول
هذا هو مصيرك
قدمك محفورة في اعماق الارض
اراقبك طوال الوقت على مسافة
رحلتك أبدية منه
نحوه
اليه
كلما بعدت المسافة
قربت الي رحابه
وسط غمام
المطلق
المستحيل
الممكن
في لحظات اقل مما هو معروف من حسابات الزمن
يكشف غطاء سحيق عميق ابعد من عمق اي وجود.
تتجلي كل الحقائق عارية صافية رائقة دون فهم .
تصل اليَّ بين ثنيات كل البرق السحاب الذي لم يمطر
اتدثر بها بعيدا وحيدا
يغشاني جبل الرحمات
اتلمس الجوهر اللب
فقط لكي استحيل
الي المستحيل الوحيد
الممكن .