يحيى الرخاوى طبيب نفسى
نشرة “الإنسان والتطور”
الأحد: 28-7-2024
السنة السابعة عشر
العدد: 6175
أغانى مصرية: عن الفطرة البشرية
للأطفال ↔ الكبار وبالعكس [1]
17- الخوف
(الجزء الأول)
-1-
قالوا يعنى، بحسن نيةْ: “لا تخف”
دا مافيش خطرْ
طب لماذا؟
هوا يعنى انا مش بشر؟
حِيثْ كده، احنَا نقولَّك:
“خافْ وخوِّف”!
فيها إيه؟
-2-
لو ماخفتش مش حاتعمل أى حاجهَ،
فيها تجديد أو مغامرة
لو ما خفتش مش حاتاخد يعنى بالكْ،
حتى لوْ عاملين مؤامرة
لو ما خفتش مش حاتعرف تتنقل للبر دُكْهَهْ
خايف انْ تْبِلّ شعركْ
لو ما خفتش يبقى بتزيـّف مشاعرك
-3-
بس برضه خللى بالك
إوعى خوفكْ
يلغى شوفكْ
إوعى خوفك يسحبك عنا بعيدْ، جوّا نفسكْ
إوعى خوفك يلغى رِقّةْ نبض حسَّكْ
إوعى خوفك ان بكره شرّ حامِلْ
يمنعك إنـَّـك تحاولْ
ـــــــــــــــــــــــــــــــــــــــ
[1] – يحيى الرخاوى، (2017) “أغانى مصرية: عن الفطرة البشرية للأطفال ↔ والكبار (وبالعكس)”، منشورات جمعية الطب النفسى التطورى، والكتاب متاح فى مكتبة الأنجلو المصرية وفى منفذ مستشفى د. الرخاوى للصحة النفسية شارع 10، وفى مؤسسة الرخاوى للتدريب والأبحاث العلمية: 24 شارع 18 من شارع 9 مدينة المقطم، كما يوجد أيضا بموقع المؤلف، وهذا هو الرابط www.rakhawy.net.
