يحيى الرخاوى طبيب نفسى
نشرة “الإنسان والتطور”
الأحد: 23-6-2024
السنة السابعة عشر
العدد: 6140
أغانى مصرية: عن الفطرة البشرية
للأطفال ↔ الكبار وبالعكس [1]
12- الحاجة إلى الإعجاب والاعتراف
-1-
آنا باعملْ: حاجة حلوهْ
نفسى تتفرج عليها
آه: تقوللى كامْ “برافوا”
أو تقولْ: “ألله ينوّر”
أو تقوللى نُصْ نُصْ، تِقْدر اكترْ،
أو تقوللى هيـّه وحشهْ ، بس كمّل وانت تكبرْ.
-2-
أنا مستنى سعادْتَكْ
أنا مستنى الْـتِـفَاتـَّكْ
المهمْ ما تِـنْسَانِيشْ
حتى لو إنك لقيت إنى مافيشْ
يمكن انت ما شفتنيش
-3-
قوللى رأيك كله يعنى
قوللى إنك، آهْ، سامعنى
حتى لو رأيكْ بيوجعْ
أنا حاتعلمْ وأطلعْ
-4-
بس يعنى خلى بالكْ
الحكاية مش كلام، أو مشّى حالكْ
إوعى تِنْفُخْنى زياده،
أو تقولها للجميع كده زى عادهْ.
مش حابيع نفسى عشان أرضى جنابك
أنت رأيك فوق دماغى
بس أنا فاهـِمْ، مانيش عيّل باناغى
لو تجامل أو تبالغ أو تطبطب والسلام
تبقى مش واخد لى بالك إنى مش”أى كلام”
ــــــــــــــــــــــــــــــــــــــــ
[1] – يحيى الرخاوى، (2017) “أغانى مصرية: عن الفطرة البشرية للأطفال والكبار (وبالعكس)”، منشورات جمعية الطب النفسى التطورى، والكتاب متاح فى مكتبة الأنجلو المصرية وفى منفذ مستشفى د. الرخاوى للصحة النفسية شارع 10، وفى مؤسسة الرخاوى للتدريب والأبحاث العلمية: 24 شارع 18 من شارع 9 مدينة المقطم، كما يوجد أيضا بموقع المؤلف، وهذا هو الرابط www.rakhawy.net.
