الرئيسية / نشرة الإنسان والتطور / ديوان “أغوار النفس” الفصل‏ ‏الثانى: لعبة‏ ‏السكات‏ ستـَّاشَر‏ ‏عين: العين‏ ‏الأولانية: قهوة‏ ‏سادة‏، ‏وكلام

ديوان “أغوار النفس” الفصل‏ ‏الثانى: لعبة‏ ‏السكات‏ ستـَّاشَر‏ ‏عين: العين‏ ‏الأولانية: قهوة‏ ‏سادة‏، ‏وكلام

نشرة “الإنسان والتطور”

الأحد: 21-9-2025

السنة التاسعة عشر

العدد:  6595

 ديوان “اغوار النفس”[1]

الفصل‏ ‏الثانى

لعبة‏ ‏السكات‏: ستـَّاشَر‏ ‏عين

العين‏ ‏الأولانية

قهوة‏ ‏سادة‏، ‏وكلام

 

 (1)‏

يَامَا‏ ‏قُـلْـنا‏ ‏ويامَا‏ ‏عِـدْنَا‏، ‏ويَامَا‏ ‏أحْلامْنا‏ ‏خَـدتـْـنَا‏،‏

كـنّا‏ ‏بنخطط‏ ‏ونرسم‏، ‏فى ‏الرمال‏ ‏نِبْنى ‏بيوتنا‏.‏

‏ ‏صاحبى ‏سافرْ‏. ‏خـُفـْنا‏ ‏نـِنْـسـَى، ‏

قلنا‏ ‏نكتبْ، ‏حلم‏ ‏أيّــــامنا‏ ‏اللى ‏جايّةْ‏.‏

والكلامْ ‏فوق‏ ‏الورق‏ : ‏بيخطــط‏ ‏الدنيا‏ ‏اللى ‏هيّهْ‏.‏

‏ ‏حِلْمِنا‏ ‏بالعدل‏ ‏كان‏ ‏دايما‏ ‏شاغلنا‏ ،‏

والوَلاَيَا‏ ‏والغلابَا‏ ‏كانوا‏ ‏وصْلةْ‏ ‏حب‏ ‏بينّا‏.‏

كل‏ ‏خلق‏ ‏الله‏ ‏تـَـبَعْـنَـاَ‏.‏

نشترى ‏حتى ‏اللى ‏باعْــنـَا‏.‏

والسّمــاحْ‏، …. ‏والمِـلاحْ،‏

والشهاداتْ‏، ‏والنجاحْ‏. ‏

كل‏ ‏دا‏ ‏قال‏ ‏و‏‏احنا‏ ‏بــرَّه‏،‏

يعنى: ‏بالحـلم‏ ‏المسرّة‏.‏

***

قلت‏ ‏له‏: ‏دى ‏بلدنــا‏ ‏أوْلى،‏

ناسْنـا‏ ‏واخْدينها‏ ‏مِقاوله‏.‏

صبْر‏، ‏والشغلِ ‏”‏عَلاَوْلــَـه‏”. ‏

حَنّ‏ ‏قلبه‏ ‏وجانى ‏طاير‏،‏

‏                ‏بالبشاير‏

(2)‏

قلنا‏ ‏يالله‏ ‏نغوص‏ ‏سوا‏ ‏فْ‏ ‏طين‏ ‏أرضنا‏،‏

                         واحدة‏ ‏واحدة‏ ‏نبتدى ‏على ‏قدّنا‏.‏   

وابتدينا‏ ‏من‏ ‏جديد‏،‏

حَطّ‏ ‏إيده‏ ‏ف‏ ‏إيدى، ‏قلنا‏ ‏مش‏ ‏بعيد‏.‏

‏ ‏صاحبى ‏راجعْ‏ “‏حُرّ‏ ‏خالص‏”،‏

والكلام‏ ‏جاهزْ‏ ‏وهــــايصْ‏.‏

صاحبى ‏لابس‏ ‏عِـمّهْ‏ ‏خضره

بس‏ ‏يرطـن‏ ‏مالشمال‏، ‏ولا‏ ‏عندو ‏فكرةْ‏،‏

مش‏ ‏على ‏بالـُـه‏ ‏اللى ‏جارِى،‏

فى ‏الزوايَـــا‏، ‏فى ‏التُّـــرَب‏، ‏أو‏ ‏فى ‏الحواري‏.‏

قلت‏ ‏اشوف‏ ‏مين‏ ‏اللى ‏هلّ‏ ‏علىَّ ‏يانى،‏

هوّه‏ ‏هُـوّه؟‏ ‏ولا‏ ‏جانى ‏حدّ ‏تانى؟

قلت‏ ‏اجرّب‏، ‏

‏ ‏قلت‏ ‏أقرّب‏،‏

‏ ‏ما‏ ‏لقيتوشْ‏، ‏مالقيتْشى ‏نفسِى،‏

قلت‏ ‏جوعِى ‏بْيِعْمٍى ‏حـسِّى‏.‏

بسْ‏ ‏برضُهْ‏ ‏فْضِلـت‏ ‏ادَوَّرْ‏،‏

قلت‏ ‏أبص‏ ‏ف ْ عينُـهْ ‏أكترْ‏:‏

(3)‏

مش‏ ‏يمكن‏ ‏الاقى ‏البذره‏ ‏الناشفَهْ‏ ‏الخايفَه‏ ‏الضاَّيْعَه‏

‏فْ‏ بحر‏ ‏كلام‏ : ‏

عايزةْ ‏تنّبـــِّت‏،….. ‏مشْ ‏قادرةْ‏؟

مش‏ ‏يمكن‏ ‏قـُرْبِــنَا‏ ‏يِرْوِى ‏الأرْض‏ ‏العطشانةْ‏؟

مِش‏ ‏يمكنْ ‏شوفْــنا‏ ‏لْــنَاسْـنا‏ ‏يفوّقنَا؟…….: نِعملْ ‏حاجةْ؟

قلت‏ ‏أشوفُهْ، ‏ماظْــْـلموشْ‏،‏

دُخْـت‏ ‏تدويرْ‏، ‏مالْقيتوشْ‏،‏

قالُوا‏ ‏جوُه‏،.. ‏لسـَّهْ‏ ‏حبَّــهْ

قلت‏ ‏أدخلْ‏، ‏حـبّة‏ ‏حـبّة‏ ‏

‏(4)‏

ولاقيتْنِى ‏جوّا‏ ‏بحور‏ ‏ضَلمَهْ، ‏مالْهاشْ‏ ‏شُطآن‏،‏

                                 ولا‏ ‏حِسّ‏ ‏لْـمّـوج‏،‏

‏                    ‏ولا‏ ‏نِسمهْ‏ ‏تلاعبْ‏ ‏قلع‏ ‏شْرَاع‏،‏

‏                ‏أو‏ ‏حتى ‏تهزّ ‏القشهْ‏ْ ‏العايمهْ‏ ‏المنسيهْ‏

                 ولا‏ ‏ضربةْ ‏ديلْ‏ ‏سمكهْ‏، ‏ولا‏ ‏طُـُحلبْ،‏

‏                                   ‏ولا‏ ‏قَوقْع‏ ‏ولا‏ ‏أَىّ ‏حياهْ

هـُـوَّا‏ ‏الهوّ ‏اتْــْــهـَـوَّى ‏ازاى ‏؟‏!! ‏

راح‏ ‏فين‏ ‏يابْـنى ‏أنين‏ ‏الناى؟!!

 (5)‏

‏ ‏يا‏ ‏خبرْ ‏يا‏ ‏جدعْ‏!! ‏كدهُهْ‏‏؟

لا‏ ‏ياعَـمّ،  ‏نتكلّم‏ ‏أحسنْ‏!‏

ما‏ ‏هو‏ ‏أصل‏ ‏المعزى: ‏

‏”‏قهْوهْ ‏سادهْ، ‏وكلامْ‏”.‏

 ـــــــــــــــــــــــــــــــــــــــــــ

 [1] – يحيى الرخاوى، (2017) ديوان: أغوار النفس، الطبعة الثانية، منشورات جمعية الطب النفسى التطورى، وقد كانت طبعته الأولى،1978 منشورات دار الغد للثقافة والنشر، والكتاب متاح فى مكتبة الأنجلو المصرية وفى منفذ مستشفى د. الرخاوى  للصحة النفسية شارع 10، وفى مؤسسة الرخاوى للتدريب والأبحاث العلمية: 24 شارع 18 من شارع 9 مدينة المقطم، كما يوجد أيضا بموقع المؤلف، وهذا هو الرابط  www.rakhawy.net.

 

تعليق واحد

  1. الناس نيام اذا ماتوا 

    لم ينتبهوا!!!

    فلايضير الشاه سلخها

    بعد ذبحها

    يهرتلون بما يشبه الصوت

    هو رطان الصم البكم 

    لا  ،،،،من الصم البكم من 

    يسمع ويري

    يجادلون انفسهم كي يحكموا

    غمامة العمي.

    يسطع رحيق 

    لا يتحمله صاحبه

    اكابده وحدي

    يتفلت مني الواحد تلو الآخر

    اصادق وجود يختفي

    بين ثنايا عجز حمل الامانة

    تعلمت ان احب الحب دون صاحبه

    احن لنفسي في غياهب المستحيل

    فهو الوحيد الممكن.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *