الرئيسية / نشرة الإنسان والتطور / أغانى مصرية: عن الفطرة البشرية للأطفال ↔ الكبار وبالعكس.  13- قيمتى إنى: “خلقة ربنا”

أغانى مصرية: عن الفطرة البشرية للأطفال ↔ الكبار وبالعكس.  13- قيمتى إنى: “خلقة ربنا”

نشرة “الإنسان والتطور”

الأحد: 23-8-2026

السنة التاسعة عشر

العدد: 6931

أغانى مصرية: عن الفطرة البشرية

للأطفال ↔ الكبار وبالعكس [1] 

 13- قيمتى إنى: “خلقة ربنا”

-1-

حدّ فيكمْ أغلى منـّى

أنا قيمتى هيّا “إنى”..

يعنى “إنى” ، أيوه إنى:

هوّا انا

قصدى خلقة ربنا

آنا من بعد  ما كنت أى حاجة

صرت مخلوق زيكم،

قصدى يعنى صرْت حاجة

حاجة كده مـِثـَميـِّزة

يعنى نَـــَـفْسِى: مش “لماذا؟”!  …

أو “إذَا..”

يبقى حقى إنكمْ تعترفو بيّا

حتى لو ما عملتش العملة اللى هيّا

-2-

لو وصلْنى فى البداية حـُبّكمْ من غير شروط

حاتفرد،  وأباصى كورتى، أو أشوط

تيجى فى الجون شجّعونى

تيحى برّه، علّمونى

 

-3-

يعنى ييجىِ شرطكم! بعد السماح

ما هو مش كل اللى انا عايزهْ .. مُـباح

تبقى قيمتى هيّا قيمتى،

زائد اللى وصـَلـْنـِى منكمْ

أبقى مليان باللى فيّا،

بس مش مِسْتَغـْنى عنكم

ما هو ربى اللى خلقنى

هوّا برضو  اللى  خلقكمْ

وانتو زى ما ادّتونى،

آنا مش رايح أسيبكمْ

ــــــــــــــــــــــــــــــــ

[1] – يحيى الرخاوى، (2017) “أغانى مصرية: عن الفطرة البشرية للأطفال والكبار (وبالعكس)”، منشورات جمعية الطب النفسى التطورى، والكتاب متاح فى مكتبة الأنجلو المصرية وفى منفذ مستشفى د. الرخاوى  للصحة النفسية شارع 10، وفى مؤسسة الرخاوى للتدريب والأبحاث العلمية: 24 شارع 18 من شارع 9 مدينة المقطم.  

تعليق واحد

  1. محمد احمد الرخاوي

    استطيع ان الدعي ان هذا التدهور القيمي — اذا جاز التعبير — بدأ فعلا من النقطة التي استلم فيها العسكر الحكم سنة ١٩٥٢. فهو حكم جهالة لا محالة . وهو حكم غشيم لا محالة . وهو حكم غبي قاصر نرجسي لا محالة .
    حكم بني علي تأصيل قيم الكم علي حساب اي كيف. حتي وهو يستعين باي اهل خبرة كان وما زال القرار السياسي الغشيم هو النافذ في نهاية النهاية .
    تراكمت هذه الجهالة وتفاقمت الي ان وصلنا الي هذا المسخ الصارخ الذي يظلل هذا المجتمع البائس المسمي مصر.

    السؤال هو ثم ماذا ؟؟ والي اين ؟؟
    ولكني اتساءل ما هي مسؤلية كل الناس ، كل الناس فعلا ، عن هذا المسخ .
    وهل يشعرون فعلا ان هذه بلدهم وانها رايحة في سكة اللي يروح ما يرجعش.

    غير مطمئن بصراحة ان الاغلبية العظمي تسأل نفسها هذا السؤال البسيط. لانها لا تريد ان تواجه هذه الحقيقة البديهية .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *