الرئيسية / نشرة الإنسان والتطور / الأربعاء الحر: أحوال وأهوال (78) العين‏ ‏الساتّة: العـيــن‏ ‏الحراميّة

الأربعاء الحر: أحوال وأهوال (78) العين‏ ‏الساتّة: العـيــن‏ ‏الحراميّة

نشرة “الإنسان والتطور”

الأربعاء:  3-1-2018

السنة الحادية عشرة

العدد:  3777

الأربعاء الحر:

أحوال وأهوال (78)

 

العين‏ ‏الساتّة

3-1-2018العـيــن‏ ‏الحراميّة

 (1)‏

والعين‏ ‏المهزوزَةْ‏ ‏الخايفة‏ ‏الحرامِيَّة‏،‏

زى ‏الكلب‏ ‏السارق‏ ‏عضمةْ‏:‏

بتبص‏ ‏لتحت‏ْْ، ‏وساعات‏ ‏للجنـْبْ‏.‏

وساعات‏ ‏بتبّرق‏ ‏وتبحـْلقْ‏، ‏وتبُصّ‏ ‏لفوقْ‏.‏

أجرى ‏وراهَا‏ ‏قبل‏ ‏ما‏ ‏توْصلْ‏ ‏شُراعةِ‏ ‏البابْ‏،  

           ‏أو‏ ‏تحت‏ ‏دولاب‏ْْ

وساعاتْ‏ ‏تِتْرَقّصْ‏ ‏وبياضها‏ ‏يغطى ‏سوادْهَا‏،‏

وكأنه‏ ‏بيخبِّى ‏بريئة‏ْ ‏واتَّهمُوهَا‏:‏

                                      ‏قَرِّت‏ ‏بالذنبْ‏، ‏

                     من‏ ‏غير‏ ‏ولا‏ ‏ذنب‏ْْ‏

بيقولوا‏ ‏ظبطوها‏ ‏بتتسوّل‏: ‏فضلات‏ ‏الحُبْ‏.‏

وارجع‏ ‏ابصَّلها‏ ‏تنُط‏ْْ،‏

                              وتْفُـطْ‏.‏

كمَا‏ ‏طفل‏ ‏على ‏سِلـّم‏ ‏تُـرُمَاىْ،‏

‏ ‏بيْبِيع‏ ‏كبريتْ‏ْ ‏أو‏ ‏باغـهْ،‏

أو‏ ‏إيده‏ ‏خفيفهْ‏، ‏عالسَّاعة‏ ‏والولاّعةْ‏.‏

3-1-2018b‏ ‏يخطفْ‏ ‏وينـُطْ‏.‏

 (2)‏

وان‏ْْ ‏قلت‏ ‏يا‏ ‏بنـْـتِى ‏ذنبك‏ ‏إيه‏؟

بتقول‏ ‏والدِّمعة‏ ‏يا‏ ‏دوبْ‏ ‏حاتبان‏:‏

عايزاكمْ‏.. ‏مِش‏ ‏عايزاكمْ‏.‏

باسْتَخْونِـْكُم‏، ‏وباجِيـكُمْ‏.‏

وباخَـافْ‏ ‏مِالْقُـربْ‏.‏

‏ ‏وما‏ ‏طـِيقْـشىِ ‏البُعـد‏.‏

وباخافْ‏ ‏لو‏ ‏عِينى ‏جت‏ ‏فى ‏عْـنينْ‏ ‏مِش‏ “‏هيـّهْ”،‏

وباخاف‏ ‏أكترْ‏ ‏لوْ‏ ‏طِلعتْ‏ “‏هـِيّـه‏ْ”.‏

‏(3)‏

غطونى ‏كويس‏، ‏خلونى ‏بعيد‏، ‏

لاتْبَعْزقْ‏.

‏(4)‏

أنـا‏ ‏تذكرتى ‏بـَـلـَكونْ‏، ‏وراحَ‏ ‏اتفرّجٍ‏ ‏للصُّـبـْح‏

                                         ‏……‏بـِفْـلوسى‏!

(من ديوان: أغوار النفس)

صدرت الطبعة الورقية الثانية 2017

يطلب من مكتبة الأنجلو المصرية

 

النشرة السابقة 1النشرة التالية 1

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>