عدد اكتوبر 1993- رباعيات

رباعيات‏     

‏حسن‏ ‏صابر

‏1- ‏مرصوصة‏ ‏ع‏ ‏الجبل‏ ‏البيوت‏ ‏والناس

دورية‏  ‏الشمس‏  ‏لما‏  ‏اتغـيـر‏ ‏الحراس

طلعوا‏  ‏العيال‏  ‏المـحرومـين‏  ‏م‏  ‏الغنا

‏ ‏متلخبطين‏   ‏العــــقل‏   ‏والإحساس

2- ‏ورق‏ ‏ملون‏ ‏في‏ ‏الحارات‏ ‏متـــعلق‏ ‏

والجوع‏ ‏مغرب‏ ‏في‏ ‏الحارات‏ ‏ومشرق

مرصوصه‏ ‏ع‏ ‏الجبل‏ ‏البيوت‏ ‏والناس

وكتبية‏  ‏الإعدام‏  ‏رصاصها‏  ‏محـلق

‏3- ‏يا‏ ‏ليل‏ ‏بيتشعبط‏ ‏في‏ ‏كتف‏ ‏السما

طريق‏ ‏زراعي‏ ‏ده‏ ‏ولا‏ ‏باب‏ ‏محكمة

ونجوم‏ ‏دي‏ ‏ولا‏ ‏زي‏ ‏في‏ ‏الأساطير

طيور‏ … ‏بتحرق‏ ‏نفسها‏ ‏مرغمة

‏4-  ‏البحر‏   ‏بيبيع‏   ‏الزهور‏   ‏للزبد

ويدق‏  ‏ع‏  ‏المرسي‏  ‏لخيمته‏  ‏الوتد

وبيلتقي‏ ‏نجوم‏ ‏السما‏ ‏في‏ ‏الحرام

تفضل‏   ‏خطيئته‏  ‏الفاضلة‏  ‏للأبد

‏5- ‏طالع‏ ‏جبل‏ ‏نرجس‏ ‏بأحمالي

وسحابة‏ ‏بتضلل‏ ‏علي‏ ‏عيالي

يا‏ ‏شعوب‏ ‏مهاجرة‏ ‏في‏ ‏الجليد‏ ‏والضل

برج‏ ‏الأحبة‏ ‏لسه‏ ‏فى‏ ‏العالى‏.‏