صبر المواطن المصرى: جمَل المحامل

اليوم السابع

الخميس 27-2-2014

صبر المواطن المصرى: جمَل المحامل

‏        = ‏لأ‏.. ‏عندك‏ !!‏

 – ‏ليه‏ ‏؟‏ ‏

‏= ‏ممنوع‏ ‏ده‏ !!‏

‏ – ‏إيهْ‏؟

‏=‏ ممنوع‏ ‏كـلـُّـه‏،‏

‏ – ‏طبْ‏ ‏أعمل‏ ‏إيه‏ ‏؟‏ ‏

‏=‏ زى ‏ما‏ ‏دايما‏ ‏كنت‏ ‏بتعمل‏.‏

قرْنك‏ ‏جامدْ‏، ‏خلـِّيك‏ ‏شايلْ‏.‏

‏ – ‏لأ‏ ‏مش‏ ‏لاعب‏.. ‏جرى ‏إيه‏ ‏؟‏.. ‏الله‏ْْ !!‏

‏= ‏إعقل‏ ‏يابــا‏، ‏قلنا‏ ‏ممنوع‏،‏

ممنوعْ‏ ‏تغضبْ‏، ‏تزعلْ‏، ‏تهمدْ‏، ‏تطلبْ‏،‏

تحلمْ‏، ‏تسرحْ‏….، ‏

ممنوع‏ ‏كــلهْ.‏

‏ – ‏ولإمتى ‏يا‏ ‏نـــاس؟

‏=‏بكره‏ ‏انشـــالله‏ ‏

‏ – ‏بقى ‏كده‏ !! ‏بكره‏ ‏؟

‏ ‏فيه‏ ‏إيه‏ ‏بكره؟

طب فين بكرهْ

‏= ‏بكره‏ ‏حانسمحْ‏ ‏لك‏ ‏تتكلم‏.‏

بكره‏ ‏حانسمح‏ ‏لك‏ ‏تتـألم‏.‏

بكره‏ ‏حاتجنى ‏ثمرة‏ ‏كـدَّك‏،‏

واحده واحده خـُـدْ على ‏قدّك‏ !!‏

‏ – ‏وانا‏ ‏مالى ‏قد‏، .. ‏ومالى ‏حد‏.‏

خايف‏ ‏لاتكون‏ ‏الحاره‏ ‏سدّ‏. ‏

والصبر‏ ‏مرارْ‏ !‏

وانا‏ ‏مش‏ ‏رافضْ‏ ‏أشرب‏ ‏كاسه‏.‏

على ‏شرط‏ ‏يكون‏ ‏للكاس‏ ‏دا‏ ‏قرار‏.‏

واستحمل‏ ‏طول‏ ‏الليل‏ ‏غـُـلبى،‏

على ‏شرط‏ ‏الليل‏ ‏ييجى ‏بعده‏ ‏نهار‏.‏

والصحرا‏ ‏بنزرع‏ ‏فيها‏ ‏الصبر‏،‏

تطرح‏ ‏حرمان‏.‏

نسقيه‏ ‏من‏ ‏طولةِ‏ ‏البالْ‏،‏

وبنِحدِى ‏كلام‏ ‏ونقولْ‏ ‏موَّالْ‏:‏

‏”‏جمل‏ ‏المحاملْ‏ ‏بـِركْ‏ ‏شِـمْتـِتْ‏ ‏لـَعادى ‏فيه‏”‏

‏= ‏جمل‏ ‏المحامل‏ ‏لا بيشكى .. ‏ولا‏ ‏بيقول‏ ‏آه

‏- ‏ليه‏ ‏يعنى ‏بقي؟ما‏ ‏هو‏ ‏نفسه‏ ‏يعيش‏، ‏زى ‏العايشين؟

‏= ‏ما‏ ‏هو‏ ‏عايش‏ ‏اهه‏، ‏إسم‏ ‏الله‏ ‏عليه‏.‏

‏ ‏بيقول‏ ‏ويعيد‏، ‏ونـــرد‏ ‏عليه‏، ‏

‏ ‏بـيشيل‏ ‏فى ‏هموم‏، ‏وفْ‏ ‏غلب‏ ‏الناس‏،‏

‏ ‏وحياخد‏ ‏إيه‏ ‏غير‏ ‏وجع‏ ‏الراس‏،‏

‏ ‏من‏ ‏زن‏ ‏الحاجة‏ ‏ومد‏ ‏إيديه؟

‏-‏ كده‏ ‏برضه‏ ‏ياهوه‏ ‏؟

بعد‏ ‏دا‏ ‏كله‏ ‏؟‏ ‏الحقّ‏ ‏عليه‏ ‏؟

‏= ‏إيش‏ ‏يفهم‏ ‏فى ‏الغنوة‏ ‏الأطرش؟

إيش‏ ‏يفهم‏ ‏فى ‏الصورة‏ ‏الأعمي؟

إيش‏ ‏يفهم‏ ‏محروم‏ ‏من‏ ‏يومه‏،‏

إوعى تصحِّيـه من نومـُه ؟

‏”‏إطعم‏ ‏مطعوم‏، ‏يــستطعـم

أما‏ ‏المحروم‏، ‏يــستحمل‏”‏

‏- ‏يستحمل‏ ‏تانى ‏يا‏ ‏ناس‏ ‏؟‏ ‏دا‏ ‏حرام‏ !‏

‏= ‏ما‏ ‏خلاص‏ ‏هانت‏.‏

‏- ‏لأ‏ ‏ما‏ ‏هانتشى .. ‏إيش‏ ‏عرفنى ‏؟

مش‏ ‏يمكن‏ ‏لعبة‏ “‏إستني‏” ‏تفضل‏ ‏على ‏طول؟

على ‏ما‏ ‏يحصـَّـلنى ‏إلدور‏ ‏حاخلص:‏

القلب‏ ‏مقدِّد‏. ‏

‏ ‏والجرح‏ ‏ممدِّد‏.‏

فى ‏الأرض‏ ‏الشوك‏،‏

والميه‏ ‏عصير‏ ‏صبَّار‏ .‏

‏= ‏ما‏ ‏تكركبهاش‏; ‏على ‏مهلكْ

‏ ‏و‏”‏سعيده‏” ‏وحابـْـقى ‏اندهلكْ‏ !!!‏

‏- ‏وسْنيّن‏ ‏ويـَّام‏ ‏وانا‏ ‏باستنى،‏

شلتَهَا‏ ‏على ‏قرْنى ‏وباتمنَّى،‏

وبنيت‏ ‏قصرى .. ‏سكـِّنتـُه‏ ‏الناس‏.‏

واتهيألى ‏حايشوفوا‏ ‏انا‏ ‏مين‏.‏

وانـِّى ‏غلبان‏ ‏محتاج‏ ‏ليهم‏، ‏

وجعان‏، ‏محروم‏، ‏عايش‏ ‏بيهم‏،‏

أضعف‏، ‏وازحف‏، ‏وأقع‏، ‏وأقوم‏.‏

‏=‏ما‏ ‏فيناش‏ ‏من‏ ‏كده‏ ‏مش‏ ‏لايقة‏ ‏عليك‏.‏

‏- ‏لأ‏. ‏لايقة‏ ‏ونـص‏:‏

لو‏ ‏حتى ‏الليل‏ ‏طال‏ ‏ست‏ ‏شهور‏،‏

والتـَّلج‏ ‏اتجمع‏ ‏فوق‏ ‏قلبى،‏

والطفل‏ ‏اتجمد‏ ‏مالسقعه‏، ‏

والدم‏ ‏اتوقف‏ ‏فى ‏عروقى،‏

‏ ‏والنهر‏ ‏بقى ‏صخر‏ ‏بيلمع‏،‏

والوادى ‏بقى ‏صحرا‏ ‏بتلسع

والبنى ‏آدمين‏ ‏بقوا‏ ‏مـش‏ ‏هم‏، ‏

أنا‏ ‏حاعملْها‏.‏

‏= قدها‏ ‏وقدود‏، ‏ياللا‏ ‏اعملها‏ ،‏

بس‏ ‏تخليك‏، ‏برضه‏ ‏شايلـها‏ ‏

‏-‏ربنا‏ ‏موجود‏ ‏حا‏ ‏يعدِّلهـا

يزرعْ‏ ‏فى ‏قلوب‏ ‏المحرومين‏:‏

بذرة‏ ‏تنـبـِّت‏، ‏حُب‏ ‏وتسبيح‏، ‏

تطرحْ‏ ‏شجرة‏ ‏لها‏ ‏ضل‏ ‏كبير‏،‏

تحضن‏ ‏نسمهْ‏ ‏وتغازل‏ ‏الريح‏،‏

وتفرَّع‏ ‏توصل‏ ‏لخالـقـها‏ .‏

‏=‏ إبقى ‏قابلنى !!‏

‏- ‏وطلعت‏ ‏أدبّ‏،‏

‏ ‏نزلت‏ ‏أدبّ‏، ‏

ولقيت‏ ‏ناسى ‏

‏ ‏هنا‏ ‏جوا‏ ‏القلب‏.‏

قتلت‏ ‏الغول

حوَّطوا‏ ‏بيـَّا

‏ ‏وعملنَـاهـَا‏،‏

‏”‏طلعتْ‏ ‏هيّا .”.‏